ಪ್ಯಾರಾ ಶೂಟಿಂಗ್ ವಿಶ್ವಕಪ್​ಗೆ ಆಯ್ಕೆ

ಹುಬ್ಬಳ್ಳಿ: ದೆಹಲಿಯ ಡಾ. ಕರ್ಣಿಸಿಂಗ್ ಶೂಟಿಂಗ್ ರೇಂಜ್​ನಲ್ಲಿ ಮಾರ್ಚ್ 6ರಿಂದ 16ರವರೆಗೆ ನಡೆಯಲಿರುವ ಪ್ಯಾರಾ ಶ್ಯೂಟಿಂಗ್ ವಿಶ್ವಕಪ್​ಗೆ ಹುಬ್ಬಳ್ಳಿ ಸ್ಪೋರ್ಟ್ಸ್ ಶೂಟಿಂಗ್ ಅಕಾಡೆಮಿಯ ಮೂವರು ಶೂಟರ್​ಗಳು ಆಯ್ಕೆಯಾಗಿದ್ದಾರೆ.

50 ಮೀಟರ್ ಪ್ರೋನ್ ಮತ್ತು 3 ಪೊಸಿಷನ್ ವಿಭಾಗದಲ್ಲಿ ರಾಕೇಶ ನಿಡಗುಂದಿ, 50 ಮೀ. ಪ್ರೋನ್ ಮತ್ತು 10 ಮೀ. ಏರ್ ರೈಫಲ್ ವಿಭಾಗದಲ್ಲಿ ಜ್ಯೋತಿ ಸಣ್ಣಕ್ಕಿ, 10 ಮೀ. ಏರ್ ರೈಫಲ್ ಸ್ಟ್ಯಾಂಡಿಂಗ್ ವಿಭಾಗದಲ್ಲಿ ಶಂಕರಲಿಂಗ ಟವಳಿ ಆಯ್ಕೆಯಾಗಿದ್ದಾರೆ. 2024ರ ಪ್ಯಾರಿಸ್ ಪ್ಯಾರಾ ಒಲಿಂಪಿಕ್ಸ್​ಗೆ ಆಯ್ಕೆಯಾಗಲು ಇದೊಂದು ಉತ್ತಮ ಅವಕಾಶವಾಗಿದೆ. ಇವರಿಗೆ ಮಾಜಿ ಸೈನಿಕ ರವಿಚಂದ್ರ ಬಾಲೇಹೊಸೂರ್ ತರಬೇತಿ ನೀಡುತ್ತಿದ್ದಾರೆ.

ಪ್ರಥಮ ಬಾರಿಗೆ ಭಾರತದಲ್ಲಿ ಪ್ಯಾರಾ ಒಲಿಂಪಿಕ್ ಆಫ್ ಇಂಡಿಯಾದ ನೇತೃತ್ವದಲ್ಲಿ ಪ್ಯಾರಾ ಶ್ಯೂಟಿಂಗ್ ವಿಶ್ವಕಪ್ ಆಯೋಜಿಸಲಾಗಿದೆ.