ಹುಬ್ಬಳ್ಳಿ: ಯೂಟ್ಯೂಬ್ನಲ್ಲಿ ಬಿಡುಗಡೆಯಾಗಿರುವ ‘ಮರಳಿ ಮನಸಾಗಿದೆ’ ಚಲನಚಿತ್ರದ ‘ಎದುರಿಗೆ ಬಂದರೆ ಹೃದಯಕೆ ತೊಂದರೆ’ ಮತ್ತು ‘ಸುಳಿ ಮಿಂಚು’ ಹಾಡುಗಳು ಈಗಾಗಲೇ ಜನರ ಮೆಚ್ಚುಗೆಗೆ ಪಾತ್ರವಾಗಿವೆ ಎಂದು ಚಿತ್ರದ ನಿರ್ವಪಕ ಮುದೇಗೌಡ್ರು ನವೀನಕುಮಾರ ಹೇಳಿದರು. ನಗರದಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಚಿತ್ರದ ಕುರಿತು ಅವರು ಮಾತನಾಡಿದರು. ಚಿತ್ರದಲ್ಲಿ ಐದು ಮೆಲೋಡಿ ಹಾಡುಗಳಿವೆ. ಇದು ನೈಜ ಕತೆವುಳ್ಳ ಚಿತ್ರವಾಗಿದ್ದು, ಸದ್ಯದ ಯುವ ಜನತೆಯ ಭಾವನೆ, ಜೀವನ ಕ್ರಮಗಳ ಕುರಿತ ಕಥೆ ಒಳಗೊಂಡಿದೆ. ಕೌಟುಂಬಿಕ ಚಿತ್ರವಾಗಿದ್ದು, ಮನೆ ಮಂದಿಯೆಲ್ಲ ಒಟ್ಟಾಗಿ ಕುಳಿತು ನೋಡುವ ಸಿನಿಮಾ ಆಗಿದೆ. ಭಟ್ಕಳ, ಮಣಿಪಾಲ, ಬೆಂಗಳೂರು, ದಾವಣಗೆರೆ, ಕುಮಟಾ, ಮಂಗಳೂರು, ಬೈಂದೂರು, ಉಡುಪಿ ಸೇರಿದಂತೆ ವಿವಿಧೆಡೆ ಚಿತ್ರದ ಚಿತ್ರೀಕರಣ ಮಾಡಲಾಗಿದೆ ಎಂದರು.
