ಪುರಾತನ ಬಾವಿ ಸ್ವಚ್ಛಗೊಳಿಸಿದ ಯುವಕರು

ತಾಳಿಕೋಟೆ : ತಾಲೂಕಿನ ಚೋಕ್ಕಾವಿ ಗ್ರಾಮದ ಪುರಾತನ ಬಾವಿಯನ್ನು ಗ್ರಾಮದ ಸಚಿನ್​ ಗೆಳೆಯರ ಬಳಗದವರು ಸ್ವಚ್ಛಗೊಳಿಸಿ ಗ್ರಾಮಸ್ಥರರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ನೂರಾರು ವರ್ಷಗಳ ಹಳೆಯ ಬಾವಿಯು ಸ್ವಚ್ಛತೆ ಕಂಡಿರಲಿಲ್ಲ. ತ್ಯಾಜ್ಯದಿಂದ ನೀರು ಕಲುಷಿತಗೊಂಡಿತ್ತು. ಗ್ರಾಮದೇವತೆ ಜಾತ್ರೆಯಲ್ಲಿ ಗಂಗಸ್ಥಳ ಅಲ್ಲದೇ, ಮೊಹರಂ ಹಬ್ಬದ ದೇವರ ದಫನ್​ ಕಾರ್ಯವೂ ಇದೇ ಬಾವಿಯಲ್ಲಿ ನಡೆಯುತ್ತದೆ. ಹೀಗಾಗಿ ಯುವಕರ ಪಡೆಯು ಬಾವಿಯನ್ನು ಸ್ವಚ್ಛಗೊಳಿಸಿದ್ದಾರೆ.

ಗೆಳೆಯರ ಬಳಗದ ಪ್ರವಿಣ, ಆಕಾಶ, ನಾಗರಾಜ, ಸುರೇಶ, ಅಭಿ, ಪ್ರಶಾಂತ, ಸಚಿನ, ಸುರೇಶ, ಅನಿಲ, ವಿರೇಶ, ಪ್ರಶಾಂತ, ದೇವಣ್ಣ ಸ್ವಚ್ಛತಾ ಕಾರ್ಯದಲ್ಲಿ ಪಾಲ್ಗೊಂಡಿದ್ದರು.