ಅಭಿಮಾನಿಗಳ ಸಾವಿಗೆ ಸರ್ಕಾರವೇ ಹೊಣೆ

ಬ್ರಹ್ಮದೇವನಮಡು : ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣ ಹತ್ತಿರ ನಡೆದ ಕಾಲ್ತುಳಿತದಲ್ಲಿ 11 ಜನ ಅಭಿಮಾನಿಗಳ ಸಾವಿಗೆ ಸರ್ಕಾರವೇ ನೇರ ಹೊಣೆಯಾಗಿದೆ ಎಂದು ಬಿಜೆಪಿ ಮುಖಂಡ ಶ್ರೀಶೈಲಗೌಡ ಬಿರಾದಾರ ಮಾಗಣಗೇರಿ ಆರೋಪಿಸಿದ್ದಾರೆ.

ಪಹಲ್ಗಾಮ್​ನಲ್ಲಿ ನಡೆದ ದಾಳಿ ಕುರಿತು ಭದ್ರತೆ ವೈಲ್ಯ ಮತ್ತು ಗುಪ್ತಚರದ ಬಗ್ಗೆ ಕಾಂಗ್ರೆಸ್​ ಪ್ರಶ್ನೆ ಎತ್ತಿತ್ತು. ಈಗ ಕಾಂಗ್ರೆಸ್​ನವರು ಭದ್ರತೆ ಬಗ್ಗೆ ಯಾಕೆ ಮಾತನಾಡುತ್ತಿಲ್ಲ? 18 ವರ್ಷದ ಬಳಿಕ ಸಿಕ್ಕ ಆರ್​ಸಿಬಿ ಗೆಲುವಿನ ಸಂಭ್ರಮ ಕಸಿದುಕೊಂಡ ಸರ್ಕಾರ ತಪ್ಪಿನ ಹೊಣೆ ಹೊರಬೇಕು. ಆರ್​ಸಿಬಿ ತಂಡಕ್ಕಿರುವ ಅಭಿಮಾನಿಗಳ ತೀವ್ರತೆ ಗೊತ್ತಿದ್ದರೂ ಸಹ ಗೃಹ ಸಚಿವರಿಗೆ ಗುಪ್ತಚರದ ಮಾಹಿತಿ ದೊರೆತಿತ್ತಲ್ಲವೇ? ಇದು ಭದ್ರತೆ ವೈಲ್ಯ ಅಲ್ಲದೆ ಮತ್ತೇನು. ಆತುರದಲ್ಲಿ ವಿಜಯೋತ್ಸವ ಮಾಡುವ ಅಗತ್ಯವಾದರೂ ಏನಿತ್ತು. ಸೂಕ್ತ ಬಂದೋಬಸ್ತ್​ ಮಾಡದೆ ಸಂಭ್ರಮಾಚರಣೆ ಮಾಡಿದ್ದು ಎಷ್ಟು ಸರಿ? ಎಂದು ಅವರು ಪ್ರಶ್ನಿಸಿದ್ದಾರೆ. ಮೃತ ಅಭಿಮಾನಿಗಳ ಕುಟುಂಬಕ್ಕೆ ಸರ್ಕಾರ ಪರಿಹಾರ ನೀಡಬೇಕು ಎಂದು ಅವರು ಆಗ್ರಹಿಸಿದ್ದಾರೆ.