ರೈತರಿಂದ ಕೃಷಿ ಪಂಪ್​ಸೆಟ್​ ನಿರ್ವಹಣಾ ವೆಚ್ಚ ಪಡೆಯದಿರಿ

ವಿಜಯಪುರ: ಕೃಷಿ ಪಂಪ್​ಸೆಟ್​ಗಳ ನಿರ್ವಹಣಾ ವೆಚ್ಚ ರೈತರಿಂದ ಪಡೆಯಬಾರದು ಎಂದು ಆಗ್ರಹಿಸಿ ಅಖಂಡ ಕರ್ನಾಟಕ ರೈತ ಸಂದ ಪ್ರಧಾನ ಕಾರ್ಯದರ್ಶಿ ಅರವಿಂದ ಕುಲಕರ್ಣಿ ಅವರು ಹೆಸ್ಕಾಂ ಅಧೀಕ ಅಭಿಯಂತರ ಜಿ.ಸಿದ್ದಪ್ಪ ಅವರಿಗೆ ಮನವಿ ಸಲ್ಲಿಸಿದರು.

ರೈತರ ಕೃಷಿ ಪಂಪ್​ಸೆಟ್​ಗಳನ್ನು ಸಕ್ರಮ ಗೊಳಿಸಲು ಈ ಹಿಂದೆ 50ರೂ.ಶುಲ್ಕ ನಿಗದಿಪಡಿಸಲಾಗಿತ್ತು. ಆದರೆ ಈಗ ಪ್ರತಿ ಎಚ್​.ಪಿ.ಗೆ 1400 ರೂ. ಮತ್ತು 10,000 ರೂ. ನಿರ್ವಹಣಾ ವೆಚ್ಚ ಪಾವತಿಸುವಂತೆ ಸರ್ಕಾರ ಹೇಳುತ್ತಿದೆ. ಇದು ರೈತರಿಗೆ ಹೊರೆಯಾಗುತ್ತದೆ. ಈ ಕುರಿತು ಸೂಕ್ತ ಕ್ರಮ ಕೈಗೊಳ್ಳುವಂತೆ ಅವರು ಮನವಿ ಮಾಡಿದ್ದಾರೆ.

ರೈತ ಮುಖಂಡರಾದ ವಿಠ್ಠಲ ಬಿರಾದಾರ, ಮಲ್ಲಿಗೆಪ್ಪಗೌಡ ಪಾಟೀಲ, ರಾಜೇಸಾಬ ಹಳ್ಳೂರ ಸಂಗನಗೌಡ ಪಾಟೀಲ ಮಹದೇವಪ್ಪ ಬಿರಾದಾರ ಇದ್ದರು.