ಕಲಿಕೆಯಲ್ಲಿ ಮಾತ್ರವಲ್ಲದೆ ನಟನೆ, ಹಾಡುಗಾರಿಕೆ, ನೃತ್ಯ ಮೊದಲಾದ ರಂಗದಲ್ಲಿ ಬಾಲ ಪ್ರತಿಭೆಯಾಗಿ ಗುರುತಿಸಿಕೊಂಡಿರುವ ಅವರು ಝೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ಡ್ರಾಮಾ ಜೂನಿಯರ್ ಸೀಸನ್-4ರಲ್ಲಿ ರನ್ನರ್ ಅಪ್ ಆಗಿದ್ದಾರೆ. ಮಕ್ಕಳ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ, ರಾಜ್ಯ ಸರ್ಕಾರದ ಪುರಸ್ಕಾರ ಪಡೆದುಕೊಂಡಿದ್ದಾರೆ. ಮೈ ಹೀರೋ ಎಂಬ ತ್ರಿ ಭಾಷಾ ಹಾಲಿವುಡ್ ಚಲನಚಿತ್ರದಲ್ಲಿ ನಟಿಸಿ ಅಂತಾರಾಷ್ಟ್ರೀಯಮಟ್ಟದಲ್ಲಿ ಹಲವಾರು ಪ್ರಶಸ್ತಿ ಪಡೆದುಕೊಂಡಿದ್ದಾರೆ. ಛಲವಾರ, ಅಮೃತಾಂಜನ್, ಪುಟಾಣಿ ಪಂಟ್ರು, ಕುಲದಲ್ಲಿ ಕೀಳಾವುದೋ, ರವಿಕೆ ಪ್ರಸಂಗ ಮುಂತಾದ ಚಿತ್ರದಲ್ಲಿ ನಟಿಸಿ ದ.ಕ., ಹಾಸನ ಜಿಲ್ಲೆ, ಮಡಿಕೇರಿಯಲ್ಲಿ ಸನ್ಮಾನ ಪಡೆದುಕೊಂಡಿದ್ದಾರೆ.
