ಮನೆ ಮಾಡಿದ ಅನೈರ್ಮಲ್ಯ: ಅವೈಜ್ಞಾನಿಕವಾಗಿ ತೆರೆಯಲಾಗಿರುವ ಗುಂಡಿಯಲ್ಲಿ ಕೊಳಚೆ ನೀರಿನ ಜತೆಗೆ ಪ್ಲಾಸ್ಟಿಕ್ ತ್ಯಾಜ್ಯ ಸಂಗ್ರಹವಾಗಿದ್ದು, ದುರ್ನಾತ ಬೀರುತ್ತಿರುವುದರಿಂದ ಸಾರ್ವಜನಿಕರು ಮೂಗು ಮುಚ್ಚಿಕೊಂಡು ಸಂಚರಿಸಬೇಕಾದ ಸ್ಥಿತಿ ನಿರ್ಮಾಣವಾಗಿದೆ. ಇದರಿಂದ ಬಸ್ ನಿಲ್ದಾಣದಲ್ಲಿ ಅನೈರ್ಮಲ್ಯ ಮನೆ ಮಾಡಿದ್ದು, ಸೊಳ್ಳೆಗಳ ವಾಸ ಸ್ಥಾನವಾಗಿ ಮಾರ್ಪಟ್ಟಿದೆ. ಪರಿಣಾಮ ಸಾರ್ವಜನಿರಲ್ಲಿ ರೋಗ ರುಜಿನಗಳ ಭೀತಿ ಉಂಟಾಗಿರುವುದು ಒಂದೆಡೆಯಾದರೆ, ಗುಂಡಿ ಇರುವುದರ ಬಗ್ಗೆ ಸುರಕ್ಷತೆಯ ದೃಷ್ಟಿಯಿಂದ ಯಾವುದೇ ಸೂಚನಾ ಫಲಕವನ್ನು ಅಳವಡಿಸದೇ ಇರುವುದರಿಂದ ಜತೆಗೆ ತ್ಯಾಜ್ಯ ಭೂಮಿ ಮಟ್ಟಕ್ಕೆ ಇರುವುದರಿಂದ ರಾತ್ರಿ ವೇಳೆ ಜನರು ಸ್ವಲ್ಪ ಎಚ್ಚರ ತಪ್ಪಿದರೂ ಅಪಾಯ ಕಟ್ಟಿಟ್ಟ ಬುತ್ತಿ. ಆದರೆ ಸಂಬಂಧಪಟ್ಟವರು ಈ ಬಗ್ಗೆ ಗಮನಹರಿಸುತ್ತಿಲ್ಲ ಎಂಬುದಾಗಿ ಸಾರ್ವಜನಿಕರು ಆರೋಪಿಸಿದ್ದಾರೆ.
