ಈ ಬಗ್ಗೆ ಪ್ರಾಂಶುಪಾಲರು, ಹಾಸ್ಟೆಲ್ ವಾರ್ಡನ್ ಮತ್ತು ಸಿಬ್ಬಂದಿಯನ್ನು ವಿಚಾರಿಸಿದಾಗ, ನಿಮ್ಮ ಮಗ ಶಾಲೆಗೆ ವಾಪಸ್ ಬಂದೇ ಇಲ್ಲ ಎಂದಿದ್ದರು. ಆದರೆ, ತಾವೇ ಮಗನನ್ನು ಶಾಲೆಗೆ ಬಿಟ್ಟು ಹೋಗಿದ್ದೇವೆ. ಬೇಕಿದ್ದರೆ ಶಾಲೆಯ ಸಿಸಿಟಿವಿ ದೃಶ್ಯ ಪರಿಶೀಲಿಸಿ ಎಂದಿದ್ದರು. ಅದರಂತೆ ಪರಿಶೀಲಿಸಿದಾಗ ಕರೆ ತಂದು ಬಿಟ್ಟು ಹೊಗಿರುವ ದೃಶ್ಯಗಳು ಕಂಡುಬಂದಿದ್ದವು. ಆದರೆ, ಈತ ಶಾಲೆಯಿಂದ ಹೊರ ಹೋಗಿರುವ ದೃಶ್ಯಗಳು ಯಾವ ಸಿಸಿಟಿವಿಗಳಲ್ಲೂ ದಾಖಲಾಗಿರಲಿಲ್ಲ. ಇದರಿಂದ ಪಾಲಕರು ಇನ್ನಷ್ಟು ಗಾಬರಿಗೊಂಡರೆ, ಶಾಲೆಯ ಸಿಬ್ಬಂದಿ ತಬ್ಬಿಬ್ಬಾಗಿದ್ದರು. ಈ ಹಿನ್ನೆಲೆಯಲ್ಲಿ ವಿದ್ಯಾರ್ಥಿ ತಂದೆ ಈರೇಗೌಡ ಅವರು ಕೆರಗೋಡು ಪೊಲೀಸ್ ಠಾಣೆಗೆ ದೂರು ನೀಡಿದ್ದರು.
