ಡಾ.ಎಚ್.ಜಿ.ಜಯಲಕ್ಷ್ಮೀ ಮಾತನಾಡಿ, ದಿನದ 24 ಗಂಟೆಯೂ ಕೆಲಸ ಮಾಡುವ ಜೀವ ಎಂದರೆ ಅದು ಹೆಣ್ಣು. ಹಲವು ಕಾನೂನುಗಳು ಬಂದರೂ ಮಹಿಳೆರಯರಿಗೆ ರಕ್ಷಣೆ, ಸಮಾನತೆ ಸಿಕ್ಕಿದೆಯ? ಸಮಾಜದಲ್ಲಿ ಹೆಣ್ಣಿನ ಬಗ್ಗೆ ವಿಷ ಬೀಜ ಬಿತ್ತಲಾಗುತ್ತಿದೆ. ನಮ್ಮ ಹೋರಾಟಗಳಿಗೆ ಹತ್ತಿಕ್ಕುವ ಕಾರ್ಯ ನಡೆಯುತ್ತಿದೆ. ಹೆಣ್ಣಿಗೆ ಹೆರಿಗೆ ಮಾಡುವ ಕಾರ್ಖಾನೆ ಮಾಡಿಕೊಂಡ ಮನಸ್ಸುಗಳಿಗೆ ಅರಿಯಬೇಕಿದೆ ನಾವು ಯಂತ್ರಗಳಲ್ಲ ಎಂದು. ಮಹಿಳೆಯರಿಗೆ ಸಾಮಾಜಿಕ ಜೀವನ ನಡೆಸುವ ಹಕ್ಕು ಸಿಗಬೇಕಿದೆ. ಹಿಂಸೆಯನ್ನು ಇಲ್ಲವಾಗಿಸಲು ಸಮಸಮಾಜ ಕಟ್ಟುವುದೊಂದೇ ನಮ್ಮ ಗುರಿಯಾಗಬೇಕು. ಗಂಡುಮಕ್ಕಳ ವಿರುದ್ಧ ಅಲ್ಲ ಗಂಡಾಳ್ವಿಕೆ ವಿರುದ್ಧ ಹೋರಾಟ ನಡೆಯಬೇಕಿದೆ ಎಂದು ಆಗ್ರಹಿಸಿದರು.
