ಸ್ಮಾಕರಗಳ ನಗರಿ ಹಂಪಿಗೆ ವಿಶೇಷ ಯೋಜನೆ ಭರವಸೆ ಸುಳ್ಳಾಯಿತು. ರೈತರ ಪ್ರಮುಖ ಬೇಡಿಕೆಯಾದ ಹೊಸಪೇಟೆಯಲ್ಲಿ ಸಕ್ಕರೆ ಕಾರ್ಖಾನೆ ಸ್ಥಾಪನೆ, ಸಂಕಷ್ಟದಲ್ಲಿರುವ ಕನ್ನಡ ವಿವಿಗೆ ಅನುದಾನ, ಮೆಡಿಕಲ್ ಕಾಲೇಜು ನಿರ್ಮಾಣ ಸೇರಿ ಹಲವು ಯೋಜನೆಗಳು ಹುಸಿಯಾಗಿವೆ. ಹರಪನಹಳ್ಳಿ ಪಟ್ಟಣಕ್ಕೆ ಹಲುವಾಗಲು ಗ್ರಾಮದಿಂದ ಕೂಡಿವ ನೀರು ಹಾಗೂ ನೀರಾವರಿ ಯೋಜನೆ ಈ ಹಿಂದಿನ ಸರ್ಕಾರ ಮೀಸಲಿಟ್ಟ 45 ಕೋಟಿ ರೂ. ಕಳೆದ ಬಜೆಟ್ನಲ್ಲಿಯೂ ಈಡೇರಲಿಲ್ಲ. ಸಚಿವ ಸಂಪುಟದಲ್ಲೂ ನೋಡಲಿಲ್ಲ. ಹೂವಿನ ಹಡಗಲಿ ಮೈಲಾರ ಅಭಿವೃದ್ಧಿ ಪ್ರಾಧಿಕಾರ, ಕೂಡ್ಲಿಗಿ ತಾಲೂಕಿನ 74 ಕೆರೆಗಳು ತುಂಬಿಸುವ ಯೋಜನೆ 800 ಕೋಟಿ ರೂ. ವೆಚ್ಚದ ಕಾಮಗಾರಿಗೆ ಮತ್ತಷ್ಟು ಅನುದಾನ ಬಿಡುಗಡೆಯಾಗುವ ಭರವಸೆ ನೀರಾಸೆಯಾಗಿದೆ. ಕೆರೆತುಂಬಿಸುವ ಯೋಜನೆ, ನೂತನ ಜಿಲ್ಲಾ ಕಚೇರಿಗಳ ನಿರ್ಮಾಣ ಸೇರಿದಂತೆ ಹಲವು ಪ್ರಮುಖ ಬೇಡಿಕೆಗಳಿಗೆ ಆದ್ಯತೆ ಸಿಕ್ಕಿಲ್ಲ.
