ಗದುಗಿನ ಹುಲಕೋಟೆ ಪ್ರಾಧ್ಯಾಪಕ ಡಾ.ಅರ್ಜುನ ಗೊಳಸಂಗಿ ಮಾತನಾಡಿ, ಜನಪದ ಸಾಹಿತ್ಯ ಕ್ರಿಯಾಮೂಲವಾದದ್ದು. ಕ್ರಿಯೆ ಇಲ್ಲದಿದ್ದರೆ ಅದಕ್ಕೆ ಜಾಗವಿಲ್ಲ. ಜನಪದ ಹಾಡು, ಕತೆ, ಗಾದೆ, ಒಡಪು, ಹಂತಿಪದ, ಇವೆಲ್ಲವೂ ಕ್ರಿಯಾಶೀಲ ಸಮಾಜದ ಜೀವಂತ ಅಭಿವ್ಯಕ್ತಿಗಳು. ಪ್ರಸ್ತುತ ಜನಪ್ರಿಯ ಹಾಡುಗಳು ಅತಿಯಾಗಿ ಹುಟ್ಟುತ್ತಿವೆ. ಜನಪದರ ಮಾತು ಬಹಳ ಅರ್ಥಪೂರ್ಣವಾದದ್ದು. ತುತ್ತು ನಮ್ಮ ದೇಹ ಕ್ರಿಯೆಗಳಿಗೆ ಸತ್ವವನ್ನು ಒದಗಿಸಿದಂತೆ ಆಪತ್ತನ್ನು ಒದಗಿಸುತ್ತದೆ. ಸಮತೋಲನ ಆಹಾರ ದೇಹಾರೋಗ್ಯಕ್ಕೆ ಕಾರಣವಾದಂತೆ ಆರೋಗ್ಯಯುತ ಸಮಾಜಕ್ಕೂ ಕಾಣುತ್ತದೆ. ಸುಸಂಸ್ಕೃತ ನಡೆ, ನುಡಿಗಳು ಬದುಕಿನ ಸೂತ್ರಗಳಾಗಬೇಕು. ವಿಕೃತಿಯೇ ಎಲ್ಲ ಕಡೆ ರಾರಾಜಿಸುತ್ತಿದೆ. ಇಂತಹ ಹೊತ್ತಲ್ಲಿ ವಿದ್ಯಾರ್ಥಿಗಳಾದ ನೀವು ಜನಪದ ಸಂಸ್ಕೃತಿ ಸಂಭ್ರಮಗಳನ್ನು ಮೈಗೂಡಿಸಿಕೊಂಡ ಸೃಜನಶೀಲ ಹಾಗೂ ಪ್ರಜ್ಞಾವಂತ ನಾಗರಿಕರಾಗಬೇಕು, ಬಿರುಕಿಲ್ಲದ ಬಾಳು ಬದುಕಬೇಕು ಎಂದರು.
