ನಗರಸಭೆ ಇತಿಹಾಸದಲ್ಲಿ ಬೆಳಗಿನ ಸಮಯಕ್ಕಿಂತ ರಾತ್ರೋರಾತ್ರಿ ಪುತ್ಥಳಿಗಳ ಸ್ಥಾಪನೆ, ಗುಪ್ತವಾಗಿ ಉದ್ಘಾಟನೆ ನೆರವೇರಿಸಿದ್ದೇ ಹೆಚ್ಚು. ಇದರ ಮುಂದುವರಿದ ಭಾಗ ಎಂಬಂತೆ 2023ರ ಚುನಾವಣೆ ಸಮೀಪಿಸುತ್ತಿದ್ದಂತೆ ನಗರದಲ್ಲಿ ಸಮಾಜದ ದಾರ್ಶನಿಕರು, ದಾಸರು, ವಚನಕಾರರ ಪ್ರತಿಮೆಗಳ ಸ್ಥಾಪನೆ ಜೋರಾಗಿದೆ. ಸ್ಥಳೀಯ ಜನಪ್ರತಿನಿಧಿಗಳು ತಮ್ಮ ಮತ ಬ್ಯಾಂಕ್ ಗಟ್ಟಿಗೊಳಿಸಿಕೊಳ್ಳಲು, ಸಮುದಾಯವಾರು ದಾರ್ಶನಿಕರು, ಸಮಾಜ ಸುಧಾರಕರ ಪುತ್ಥಳಿ ಸ್ಥಾಪಿಸಿದ್ದಾರೆಂಬುದು ಗುಟ್ಟಾಗಿ ಉಳಿದಿಲ್ಲ. ಆದರೆ, ಈ ಕುರಿತಂತೆ ನಗರಸಭೆ ಪೌರಾಯುಕ್ತರು ಶುಕ್ರವಾರ ಬಿಡುಗಡೆ ಮಾಡಿರುವ ಪತ್ರಿಕಾ ಹೇಳಿಕೆಗೆ ಸಾರ್ವಜನಿಕರು, ಸಂಘ, ಸಂಸ್ಥೆಗಳಿಂದ ತೀವ್ರ ಆಕ್ಷಪಣೆ ಕೇಳಿಬರುತ್ತಿವೆ.
