ಕಳೆದ ಆಗಸ್ಟ್ 10ರ ತಡರಾತ್ರಿ ತುಂಗಭದ್ರಾ ಜಲಾಶಯದ 19ನೇ ಕ್ರೆಸ್ಟ್ ಗೇಟ್ ಕಳಚಿದ ಬೆನ್ನಲ್ಲೆ ಗೇಟ್ ತಜ್ಞ ಕನ್ಹಯ್ಯನಾಯ್ಡು ಅವರು ಒಂದೇ ವಾರದಲ್ಲಿ ತಾತ್ಕಾಲಿಕವಾಗಿ ಸ್ಟಾಪ್ಲಾಗ್ ಗೇಟ್ ಅಳವಡಿಸಿ ನೀರು ಪೋಲಾಗುವುದನ್ನು ತಡೆದಿದ್ದರು. ಆ ಬಳಿಕ ಈ ಡ್ಯಾಂ ಸೇರಿದಂತೆ ರಾಜ್ಯದ ಉಳಿದ ಡ್ಯಾಮ್ಗಳ ಭದ್ರತೆಯ ಬಗ್ಗೆ ಭಾರೀ ಚರ್ಚೆಗಳಾಗಿದ್ದವು. ಟಿಬಿ ಡ್ಯಾಮ್ನ ಇನ್ನುಳಿದ 32 ಕ್ರೈಸ್ಟ್ ಗೇಟ್ ಗಟ್ಟಿತನದ ಬಗ್ಗೆ ಚರ್ಚೆ ನಡೆದಿತ್ತು. ಇದಕ್ಕಾಗಿ ಈಗಾಗಲೇ ಹಲವಾರು ತಂಡಗಳು ಪರಿಶೀಲನೆಗಳನ್ನು ನಡೆಸಿದ್ದು, ಕಳೆದ ತಿಂಗಳು ಮಾ.05ರಿಂದ 20ರವರೆಗೆ ಕೆಎಸ್-ಎನ್ಡಿಟಿ ತಂಡದ 10ಕ್ಕಿಂತ ಹೆಚ್ಚು ತಜ್ಞರು ಗೇಟ್ಗಳ ಸದೃಢತೆ ಬಗ್ಗೆ ಅಧ್ಯಯನ ನಡೆಸಿ ತಯಾರಿಸಿರುವ ವರದಿಯನ್ನು ಸಲ್ಲಿಸಿ ವರದಿ ಸಲ್ಲಿಸಿದೆ. ಟಿಬಿಬಿ ಅಧಿಕಾರಿಗಳು ವರದಿಯನ್ನು ಪರಿಶೀಲಿಸಿ, ಚರ್ಚೆ ನಡೆಸಲು ಇದೀಗ ಮತ್ತೊಮ್ಮೆ ಜಲಾಶಯದ ಜಲಾಶಯ ಗೇಟ್ ತಜ್ಞ ಕನ್ಹಯ್ಯನಾಯ್ಡು ಆಗಮಿಸಿ ಟಿಬಿ ಮಂಡಳಿಗೆ ಸಲ್ಲಿಕೆಯಾಗಿರುವ ವರದಿ ಪರಿಶೀಲಿಸಿ, ಗೇಟ್ಗಳನ್ನು ಬದಲಿಸಬೇಕಾ? ಅಥವಾ ಇರುವ ಗೇಟ್ಗಳನ್ನೇ ಸದೃಢಗೊಳಿಸಬೇಕಾ ಎಂಬುದರ ಬಗ್ಗೆ ಚರ್ಚೆ ನಡೆಸಲಿದ್ದಾರೆ ಎನ್ನುತ್ತಾರೆ.
