105.788 ಟಿಎಂಸಿ ನೀರು ಸಂಗ್ರಹ ಸಾಮರ್ಥ್ಯ ಹೊಂದಿದ ತುಂಗಭದ್ರಾ ಜಲಾಶಯ ಆಂದ್ರ, ತೆಲಂಗಾಣ ಹಾಗೂ ರಾಜ್ಯದ ರಾಯಚೂರು, ಬಳ್ಳಾರಿ, ಕೊಪ್ಪಳ ಮತ್ತು ವಿಜಯನಗರ ಜಿಲ್ಲೆಗಳ ರೈತರಿಗೆ ನೀರು ಒದಗಿಸುತ್ತದೆ. ಈ ಭಾಗದ ಕೈಗಾರಿಕೆಗಳಿಗೂ ಜಲಾಶಯ ಆಸರೆಯಾಗಿದೆ. ಆದರೆ 2024ರ ಆ.10ರಂದು 19ನೇ ಕ್ರಸ್ಟ್ಗೇಟ್ ಕಳಚಿ ದುರಂತ ನಡೆದಿತ್ತು. ಒಂಬತ್ತು ತಿಂಗಳ ಬಳಿಕ ಆಂದ್ರದ ಕೆಎಸ್-ಎನ್ಡಿಟಿ ತಜ್ಞರ ತಂಡ ಕಳೆದ ಒಂದು ತಿಂಗಳ ಕಾಲ ಜಲಾಶಯದ ಕ್ರ್ರಸ್ಟ್ಗೇಟ್ಗಳ ಹಾಗೂ ಡ್ಯಾಮ್ ಬಲಿಷ್ಟತೆಯ ಅಧ್ಯಯನ ನಡೆಸಿ, ವರದಿ ವರದಿ ನೀಡಿದೆ. ಈ ವರದಿ ಆಧಾರದ ಮೇಲೆ ಮಂಡಳಿಯ ಅನುಷ್ಠಾನ ಸಮಿತಿ ಇ-ಟೆಂಡರ್ ಕರೆಯಲಾಗಿದೆ. ಜಲಾಶಯದಲ್ಲಿ ಸಧ್ಯ 7.612 ಟಿಎಂಸಿ ನೀರು ಸಂಗ್ರಹ ಹೊಂದಿದೆ. ಮೊದಲು 19 ನೇ ಗೇಟ್ ಅಳವಡಿಕೆ, ನಂತರ 2026 ಮತ್ತು 2027ರ ಬೇಸಿಗೆಯಲ್ಲಿ ಉಳಿದ ಗೇಟ್ಗಳ ಅಳವಡಿಕೆ ಮಾಡಲು, ಟಿಬಿಬಿ ಮಂAಡಳಿ ತಿರ್ಮಾನಿಸಿದೆ. ಏ.17ರಂದು ಟೆಂಡರ್ ಪ್ರಕ್ರಿಯೆಗೆ ಕೂಡ ಮುಗಿಯಲಿದೆ. ಟೆಂಡರ್ ಆಗುವ ಕಂಪನಿ ಜತೆ ಏ.20ರ ಒಳಗೆ ಒಪ್ಪಂದ ಮಾಡಿಕೊಂಡು 19ನೇ ಗೇಟ್ ಮಾತ್ರ ಬದಲಿಸುವ ಕಾಮಗಾರಿ ನಡೆಯಲಿದೆ. ಮುಂದಿನ ಎರಡು ತಿಂಗಳಲ್ಲಿ ಕಾಮಗಾರಿ ಪೂರ್ಣಗೊಳ್ಳುವ ಸಾಧ್ಯತೆಯಿದೆ.
