ಎಚ್.ಡಿಕೆ ಜತೆ ಗಣಿಗಾರಿಕೆ ವಿಷಯ ಚರ್ಚೆ

ಹೊಸಪೇಟೆ: ಸಂಡೂರಿನ ಕುಮಾರಸ್ವಾಮಿ ದೇವಸ್ಥಾನದ ಬಳಿ ಗಣಿಗಾರಿಕೆಗೆ ಪರವಾನಗಿ ನೀಡಬಾರದು ಎನ್ನುವ ವಿಚಾರವಾಗಿ ಕೇಂದ್ರ ಸಚಿವ ಎಚ್‌. ಡಿ.ಕುಮಾರಸ್ವಾಮಿ ಬಳಿ ಮಾತನಾಡಿರುವೆ. ಈ ಬಗ್ಗೆ ಬಳ್ಳಾರಿ ಡಿಸಿಗೆ ವರದಿ ಕೊಡಲು ಹೇಳಿದ್ದು, ನಂತರ ಪ್ರತಿಕ್ರಿಯಿಸುವೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳಿದರು.

ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ, ಕೊಪ್ಪಳ ಜಿಲ್ಲೆಯಲ್ಲಿ ನವಲಿ ಸಮಾನಾಂತರ ಜಲಾಶಯ ನಿರ್ಮಾಣದಲ್ಲಿ ಆಂಧ್ರ-ತೆಲಂಗಾಣದ ಭಾಗವಿದೆ. ಶೇ.65 ರಾಜ್ಯ ಮತ್ತು ಶೇ.35 ನೆರೆ ರಾಜ್ಯಗಳು ಇದರ ಪಾಲುದಾರರು. ಆಯಾ ಸಿಎಂ ಜತೆ ಮಾತನಾಡುವೆ ಎಂದರು.

ವಿಜಯನಗರಕ್ಕೆ ಡಿಎಂಎಫ್ ಅನುದಾನದಲ್ಲಿ ಗೊಂದಲವಿಲ್ಲ. ಈ ಬಗ್ಗೆ ಕಾರ್ಯದರ್ಶಿಗೆ ಮಾತನಾಡಿರುವೆ. ವಿಜಯನಗರಕ್ಕೆ 218 ಕೋಟಿ ರೂ. ಬರಬೇಕೆಂದು ಹೇಳುತ್ತಿದ್ದಾರೆ. ಶೇ.28 ವಿಜಯನಗರಕ್ಕೆ ಮತ್ತು ಶೇ.72 ಬಳ್ಳಾರಿಗೆ ಕೊಡಬೇಕೆದು ನಿರ್ಧಾರ ಆಗಿದೆ ಎಂದರು.

ಜಮೀರ್ ಹೆಗಲಿಗೆ ಬಳ್ಳಾರಿ ಉಸ್ತುವಾರಿ:

ಬಳ್ಳಾರಿ ಜಿಲ್ಲಾ ಉಸ್ತುವಾರಿ ಹೊಣೆಗಾರಿಕೆ ವಹಿಸಿಕೊಳ್ಳುವಂತೆ ಜಮೀರ್ ಅಹಮದ್ ಖಾನ್‌ಗೆ ಸೂಚನೆ ನೀಡಲಾಗಿದೆ. ವಿಜಯನಗರದ ಜತೆ ಬಳ್ಳಾರಿ ಜಿಲ್ಲಾ ಉಸ್ತುವಾರಿ ಹೊಣೆಗಾರಿಕೆಯನ್ನೂ ನೀಡಲಾಗುವುದು ಎಂದು ಸಿಎಂ ಹೇಳಿದರು. ಬಿ.ನಾಗೇಂದ್ರ ರಾಜೀನಾಮೆಯಿಂದ ಬಳ್ಳಾರಿ ಜಿಲ್ಲಾ ಉಸ್ತುವಾರಿ ತೆರವಾಗಿತ್ತು.