ತುಂಗಭದ್ರಾ ಹರಿದು ಹೋಗುವ ನಾಡಿನಲ್ಲಿರೋ ಈ ತಾಂಡಾದ ಜನರು ಕುಡಿವ ನೀರಿನ ಪರಿಸ್ಥಿತಿ ದುಸ್ತರವಾಗಿದೆ. ಇನ್ನೂ ದೂರವಿರೋ ಗ್ರಾಮಗಳ ಜನರ ಪರಿಸ್ಥಿತಿ ಏನಾಗಬಹುದೆಂಬುದು ಯೋಚನೆ ಮಾಡಿದರೆ, ದೇವರ ಪ್ರೀತಿ ಅನ್ನೋದು ಅಂಬೋಣವಾಗಿದೆ. ಇನ್ನೂ ತಾಂಡಾದ ವ್ಯಪ್ತಿಯಲ್ಲಿ 14 ಕೊಳವೆ ಬಾವಿಗಳಿವೆ. ಆದರೂ, ಇಲ್ಲಿ ಮಹಿಳೆಯರು ಒಂದು ಕೊಡ ನೀರು ತುಂಬಲು ಸತಿಸಾಲಿನಲ್ಲಿ ನಿಂತು ಅರ್ದ ದಿನ ಕಾಯುವ ಅನಿವಾರ್ಯವಾಗಿದೆ. ಇದಕ್ಕೆ ಕಾರಣ ಜೆಜೆಎಂ ಯೋಜನೆಯಲ್ಲಿ ಕಳಪೆ ಕಾಮಗಾರಿಯಾಗಿ ಇದ್ದ ಕೊಳವೆಬಾವಿಯಿಂದ ಸರಬರಾಜು ಆಗುವ ನೀರು ಕೂಡ ಇಲ್ಲ. ಎಲ್ಲಿ ಬೇಕಲ್ಲಿ ಪೈಪ್ಲೈನ್ ಹೊಡೆಯಲಾಗಿದೆ. ಹೊಸ ಪೈಪ್ಲೈನ್ ಕಳಪೆಆಗಿ ಸೋರಿಕೆಯಾಗುತ್ತಿದೆ. ಇದರಿಂದ ನೀರಿಗಾಗಿ ಪರಿತಪಿಸುವ ಮಹಿಳೆಯರು, ನಮಗೆ ನೀರು ಸರಿಯಾಗಿ ಬಿಡ್ತಿಲ್ಲಾ ಅಂತ ಗೋಳಾಡ್ತಿರೋ ತಾಯಂದಿರು ಗ್ರಾಪಂ ಆಡಳಿತಕ್ಕೆ ಹಾಗೂ ಅಧಿಕಾರಿಗಳಿಗೆ ಹಿಡಿ ಶಾಪ ಹಾಕುತ್ತಿದ್ದಾರೆ.
