ನಗರದಲ್ಲಿ ಮಂಗಳವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಸಿಎಂ ಮನೆ ಕಡೆ, ವ್ಯವಹಾರ, ಹಣದ ಕಡೆ ಎಂದಿಗೂ ಗಮನ ಕೊಟ್ಟವರಲ್ಲ. ಅವರು ಸಮಾಜ ಸೇವೆ, ಜನರ ಕೆಲಸ ಅಂತ ಇದ್ದು, ಕೆಲಸ ಮಾಡಿದವರು. ಬಹಳ ವರ್ಷಗಳ ಕಾಲದಿಂದಲೂ ನಾನು ಕೂಡ ನೋಡುತ್ತಿರುವೆ. ಅವರ ಒಡನಾಟ ಇರುವ ಹಿನ್ನೆಲೆ ನಾನು ಹತ್ತಿರದಿಂದ ಬಲ್ಲೆ. ನಿನ್ನ ಕ್ಷೇತ್ರಕ್ಕೆ ಎಷ್ಟು ಅನುದಾನ ಬೇಕು ಅಂತ ಅನುದಾನ ಮಂಜೂರು ಮಾಡ್ತಾರೆ ಅಷ್ಟೆ, ಬೇರೆ ಯಾವ ವಿಚಾರವೂ ಎಂದಿಗೂ ಚರ್ಚೆ ಮಾಡಿದವರಲ್ಲ ಎಂದರು.ಮುಡಾದಲ್ಲಿ ಸಣ್ಣಪುಟ್ಟ ತಪ್ಪುಗಳು ಆಗಿರಬಹುದು. ಹಾಗಂತ ಸಿಎಂ ಅವರೇ ತಪ್ಪು ಮಾಡಿಲ್ಲ. ಅದು ಬಿಜೆಪಿ ಸರ್ಕಾರದಲ್ಲಿ ಮಂಜೂರಾಗಿದ್ದು, ಬಿಜೆಪಿಯ ಕೆಲವರು ಷಡ್ಯಂತ್ರ ಮಾಡಿದ್ದಾರೆ. ನಾವು ಕೂಡ ಹೈಕೋರ್ಟ್ ತೀರ್ಪನ್ನು ಪ್ರಶ್ನಿಸಿ ಮೇನ್ಮವಿ ಹೋಗುತ್ತೇವೆ ಎಂದರು.
