ಈ ನಾಟಕ ಧಾರವಾಡ ಜಿಲ್ಲೆಯ ನವಲಗುಂದದ ನಾಗಲಿಂಗನ ತತ್ವದ ಮಾತುಗಳು ರಂಗದಲ್ಲಿ ಅದ್ಭುತವಾಗಿ ಮೂಡಿಬಂದವು. ಧಾರವಾಡದ ಆಟಮಾಟ ತಂಡದ ರೂವಾರಿಯೂ ಆಗಿರುವ ನಾಟಕ ನಿರ್ದೇಶಕ, ವಿನ್ಯಾಸಕ ಮಹಾದೇವ ಹಡಪದ ಅವರು ನಾಗಲಿಂಗನ ಪಾತ್ರವನ್ನು ಸಮರ್ಥವಾಗಿ, ಲೀಲಾಜಾಲವಾಗಿ ನಿಭಾಯಿಸಿದರು. ಈರಣ್ಣ ಐನಾಪುರ (ಮಡಿವಾಳಪ್ಪ ಪಾತ್ರ), ಗಾಯತ್ರಿ ಹೆಗ್ಗೋಡು (ಭೀಮವ್ವ ಪಾತ್ರ) ಹಾಗೂ ಮಂಜುನಾಥ ಬಗಲಿ (ಶಿಶುನಾಳ ಷರೀಫ) ತಮ್ಮ ಪಾತ್ರಗಳಿಗೆ ನ್ಯಾಯ ಒದಗಿಸಿದರು. ಜಾತಿ, ಧರ್ಮವ ಮೀರಿ ಬನ್ನಿ, ಮನುಷ್ಯತ್ವದ ಕಡೆಗೆ ಕರೆದೊಯ್ಯುವುದೇ ಆಧ್ಯಾತ್ಮ ಎಂಬ ನೀತಿಯನ್ನು ಈ ನಾಟಕ ಬೋಧಿಸಿತು. ನಾಟಕಕ್ಕೆ ರಂಗಪಠ್ಯ ಒದಗಿಸಿದವರು ರಾಜಕುಮಾರ ಮಡಿವಾಳರ. ಬೆಳಕಿನಲ್ಲಿ ಸಂಗಮೇಶ್ ಸೋರಗಾಂವಿ, ತಬಲಾದಲ್ಲಿ ಫಕೀರಪ್ಪ ಕೋರಿ, ವೀರೇಶ್ ಹಿರೇಮಠ್ ಸಹಕರಿಸಿದರು.
