ನಗರದಲ್ಲಿ ಸೋಮವಾರ ಸುದ್ದಿಗಾರರಿಗೆ ಮಾಹಿತಿ ನೀಡಿದ ಅವರು, ಲಾಕ್ಡೌನ್ ಸಂದಿಗ್ಧ ಸಮಯದಲ್ಲೂ ಕೆಲ ದಿನಸಿ ಅಂಗಡಿಗಳು ಅಗತ್ಯ ವಸ್ತುಗಳನ್ನು ಅಧಿಕ ಬೆಲೆಗೆ ಮಾರಾಟ ಮಾಡುತ್ತಿವೆ. ಬಡವರು ಕೊಳ್ಳಲಾಗುತ್ತಿಲ್ಲ ಎಂಬ ದೂರುಗಳು ಕೇಳಿಬಂದ ಬೆನ್ನಲ್ಲೆ ಗ್ರಾಹಕನಿಗೆ ಹಣ ನೀಡಿ ಅಗತ್ಯ ವಸ್ತು ಖರೀದಿಸಲು ಸೂಚಿಸಲಾಗಿತ್ತು. ಒಂದು ಕೆ.ಜಿಗೆ 100 ರೂ. ಇರುವ ಉದ್ದಿನ ಬೇಳೆಯನ್ನು 150 ರೂ.ಗೆ ಮತ್ತು 70.ರೂ ಬೆಲೆಯ ಅಲಸಂದಿಯನ್ನು 120ಗೆ ಹೆಚ್ಚಿಸಿ ಮಾರಾಟ ಮಾಡಿರುವುದನ್ನು ಖಚಿತಪಡಿಸಿ ದಾಳಿ ನಡೆಸಲಾಯಿತು. ಮೂರಂಗಡಿ ವೃತ್ತದ ಬಳಿ ಇರುವ ದೇವಿನಾರಾಯಣೆ ಕಿರಾಣಿ ಅಂಗಡಿ, ಕೇಂದ್ರ ಬಸ್ ನಿಲ್ದಾಣದ ಎದುರಿನ ಶ್ರೀ ಬಾಲಾಜಿ ಬಜಾರ್, ಪೊಲೀಸ್ ವಸತಿ ಗೃಹದ ಎದುರಿನ ಲಕ್ಷ್ಮ್ಮೀನಾರಾಯಣ ಜನರಲ್ ಸ್ಟೋರ್ಸ್, ಮೇನ್ ಬಜಾರಿನ ಜನಾದ್ರಿ ರಾಮಚಂದ್ರಪ್ಪ ಅಂಡ್ ಸನ್ಸ್ ಹಾಗೂ ಪಟೇಲ್ ನಗರದ ಶಿರಡಿ ಸಾಯಿ ಬಜಾರ್ ಅಂಗಡಿ ಮಾಲೀಕರ ವಿರುದ್ಧ ನಗರಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು ತಿಳಿಸಿದರು.
