ತುಂಗಭದ್ರಾ ಹಿನ್ನೀರು ಪ್ರದೇಶದಲ್ಲಿರುವ ಅಂಕಸಮುದ್ರ ಕೆರೆಯ 244 ಎಕರೆ ವಿಸ್ತಾರವಾದ ಪ್ರದೇಶದಲ್ಲಿ ಸಾವಿರಾರು ಕರಿಜಾಲಿ ಮರಗಳಿವೆ. ದೇಶ-ವಿದೇಶಗಳ 140ಕ್ಕೂ ಹೆಚ್ಚು ಪ್ರಭೇದದ ಪಕ್ಷಿಗಳು ಇಲ್ಲಿಗೆ ಬಂದು ನೆಲೆಸುತ್ತಿವೆ. ಕೆಲವು ಸಂತಾನೋತ್ಪತ್ತಿ ನಡೆಸುತ್ತವೆ. ಆದರೆ, ಕೆಲ ವರ್ಷಗಳಿಂದ ನಿರಂತರವಾಗಿ ನೀರು ನಿಲ್ಲುತ್ತಿದ್ದು, ಮರಗಳು ಒಣಗಿ ಬೀಳುತ್ತಿವೆ. ಈವರೆಗೆ ಅಂದಾಜು 100ಕ್ಕೂ ಹೆಚ್ಚು ಮರಗಳು ಮುರಿದಿವೆ. ಆದ್ದರಿಂದ ವೃಕ್ಷಗಳ ರಕ್ಷಣೆ ಹಾಗೂ ಪಕ್ಷಿಗಳ ಆಶ್ರಯಕ್ಕಾಗಿ ಅರಣ್ಯ ಇಲಾಖೆ ವಿವಿಧ ಯೋಜನೆಯಡಿ 50 ಲಕ್ಷ ರೂ. ವೆಚ್ಚದಲ್ಲಿ ಬರ್ಡ್ಸ್ ಐಲ್ಯಾಂಡ್, ನಾಲ್ಕು ರಾಕ್ ಐಲ್ಯಾಂಡ್, ಒಂದು ಪೆಬ್ಬಲ್ ಐಲ್ಯಾಂಡ್ ನಿರ್ಮಾಣ ಮಾಡಿದೆ. ಇದರಿಂದ ಪಕ್ಷಿಗಳು ಗೂಡು ಕಟ್ಟಿ ಆಶ್ರಯ ಪಡೆಯಲಿವೆ. ಬೇಟೆಯಾಡಿದ ಆಹಾರ ಸೇವನೆ, ವಿಶ್ರಾಂತಿ ಹಾಗೂ ರೆಕ್ಕೆಗಳನ್ನು ಉದುರಿಸಲು ಪೆಬ್ಬಲ್ ಹಾಗೂ ರಾಕ್ ಐಲ್ಯಾಂಡ್ ಸಹಕಾರಿಯಾಗಿಲಿವೆ.
