ಸ್ಥಳ ಮಹಜರು ವೇಳೆ ಸ್ಥಳೀಯರು ಅಥವಾ ಪತ್ರಕರ್ತರು ಇರಬೇಕಲ್ಲವೇ..?, ಸ್ಥಳ ಮಹಜರಿನ ವಿಡಿಯೋ ಚಿತ್ರೀಕರಣ ಏಕೆ ಮಾಡಿಲ್ಲ ಎಂಬ ಪ್ರಶ್ನೆಗಳನ್ನು ಎತ್ತಿದ್ದಾರೆ.
ನ್ಯಾಯಾಲಯ ಆರೋಪಿಯನ್ನು ಅಪರಾಧಿ ಎಂದು ಘೋಷಿಸುವ ಮುಂಚೆಯೇ ಪೊಲೀಸರು ನೀಡುತ್ತಿರುವ ಶಿಕ್ಷೆಯೇ..? ಇದು ಪೊಲೀಸ್ ರಾಜ್ಯವಾಗುತ್ತಿದೆಯೇ..? ಎಂದು ಪ್ರಶ್ನೆ ಮಾಡಿದ್ದಾರೆ. ಈ ಬಗ್ಗೆ ಉನ್ನತ ಮಟ್ಟದ ತನಿಖೆ ನಡೆಸಬೇಕು ಎಂದು ಒತ್ತಾಯಿಸಿದ್ದಾರೆ.
ಆದರೆ, ಬಿಜೆಪಿ ಎಸ್ಡಿಪಿಐ ನಿಲುವನ್ನು ತೀವ್ರವಾಗಿ ಖಂಡಿಸಿದೆ. ಪೊಲೀಸರ ಆತ್ಮ ಸ್ತೈರ್ಯ ಕುಂದಿಸುವ ಕೆಲಸ ಇದಾಗಿದೆ. ಪೊಲೀಸರ ಕ್ರಮ ಸರಿಯಾಗಿದೆ ಎಂದು ವಾದಿಸಿದೆ. ಬಿಜೆಪಿ ಕುಮಟಾ ಮುಖಂಡ ಎಂ.ಜಿ.ಭಟ್ ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿದ್ದಾರೆ.
