ಪೊಲೀಸ್​ ನೇಮಕಾತಿಯಲ್ಲಿ ಗೃಹರಕ್ಷಕರಿಗೆ ಆದ್ಯತೆ

ಉಡುಪಿ: ಪೊಲೀಸ್​ ಸಿಬ್ಬಂದಿಯಂತೆಯೇ ಗೃಹರಕ್ಷಕ ದಳದ ಸಿಬ್ಬಂದಿ ಬಂದೋಬಸ್ತ್​ ಕಾರ್ಯದಲ್ಲಿ ತೊಡಗಿಕೊಳ್ಳುತ್ತಾರೆ. ಆದರೆ, ಅವರಿಗೆ ಸರ್ಕಾರಿ ಸೌಲಭ್ಯಗಳು ಇಲ್ಲ. ಹೀಗಾಗಿ ಪೊಲೀಸ್​ ನೇಮಕಾತಿ ಸಂದರ್ಭದಲ್ಲಿ ಗೃಹರಕ್ಷಕರಿಗೆ ಮೊದಲ ಆದ್ಯತೆ ನೀಡಬೇಕು ಎಂದು ಜಿಲ್ಲಾ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಯ ಉಪನಿರ್ದೇಶಕ ಡಾ. ರೋಷನ್​ಕುಮಾರ್​ ಶೆಟ್ಟಿ ಆಶಯ ವ್ಯಕ್ತಪಡಿಸಿದರು.

ಉಡುಪಿ ಜಿಲ್ಲಾ ಗೃಹರಕ್ಷಕ ದಳದ ಕಚೇರಿಯಲ್ಲಿ ಗುರುವಾರ ಆಯೋಜಿಸಿದ್ದ ಜಿಲ್ಲಾ ಮಟ್ಟದ ವಾರ್ಷಿಕ ವೃತ್ತಿಪರ ಕ್ರೀಡಾಕೂಟದ ಸಮಾರೋಪದಲ್ಲಿ ಬಹುಮಾನ ವಿತರಿಸಿ ಮಾತನಾಡಿದರು.

• ದೈಹಿಕ ಕ್ಷಮತೆ: ಕೊಲ್ಲೂರಿನ ಉದ್ಯಮಿ ಧೀರಜ್​ ಹೆಜಮಾಡಿ ಮಾತನಾಡಿ, ಕ್ರೀಡೆಯಿಂದ ದೈಹಿಕ ಕ್ಷಮತೆ, ಆರೋಗ್ಯ ಲಭಿಸುತ್ತದೆ. ಗ್ರಹರಕ್ಷಕರೂ ಸಹ ಒತ್ತಡದಲ್ಲಿ ಕೆಲಸ ಮಾಡುವವರಾಗಿದ್ದಾರೆ. ಹೀಗಾಗಿ ಇಂತಹ ಕ್ರೀಡಾಕೂಟದಲ್ಲಿ ಪಾಲ್ಗೊಳ್ಳುವುದರಿಂದ ಮಾನಸಿಕ ಒತ್ತಡದಿಂದ ಹೊರಬರಲು ಸಾಧ್ಯ ಎಂದರು.
  
  ಕ್ರೀಡಾಕೂಟದ ವಿವಿಧ ವಿಭಾಗದಲ್ಲಿ ವಿಜೇತರಾದ ಗೃಹರಕ್ಷಕರಿಗೆ ಪ್ರಶಸ್ತಿ ಪತ್ರ, ಮೆಡಲ್​ ಹಾಗೂ ಶೀಲ್ಡ್​ ನೀಡಿ ಗೌರವಿಸಲಾಯಿತು. ಬಹುಮಾನ ವಿತರಣಾ ಪಟ್ಟಿಯನ್ನು ಸೌಮ್ಯಾ ವಾಚಿಸಿದರು.ಜಿಲ್ಲಾ ಗೃಹರಕ್ಷಕ ದಳದ ಸೆಕೆಂಡ್​ ಇನ್​ ಕಮಾಂಡೆಂಟ್​ ಕೆ.ಸಿ. ರಾಜೇಶ್​ ಅಧ್ಯಕ್ಷತೆ ವಹಿಸಿದ್ದರು. ಜಿಲ್ಲಾ ಗೃಹರಕ್ಷಕ ಅಧೀಕ್ಷಕ ರತ್ನಾಕರ್​ ಎಂ. ಉಪಸ್ಥಿತರಿದ್ದರು.
  
  ಟಕದ ಗೃಹರಕ್ಷಕಿಯರಾದ ಜಯಂತಿ ಹಾಗೂ ಮಮತಾ ಪ್ರಾರ್ಥಿಸಿದರು. ಬೈಂದೂರು ಟಕದ ಪ್ಲಟೂನ್​ ಕಮಾಂಡರ್​ ರಾವೇಂದ್ರ ಎನ್​. ಸ್ವಾಗತಿಸಿದರು. ಬ್ರಹ್ಮಾವರ ಟಕದ ಪ್ಲಟೂನ್​ ಕಮಾಂಡರ್​ ಸ್ಟೀವನ್​ ಪ್ರಕಾಶ್​ ನಿರೂಪಿಸಿದರು. ಉಡುಪಿ ಟಕದ ಸೆಕ್ಷನ್​ ಲೀಡರ್​ ದಿನೇಶ್​ ವಂದಿಸಿದರು.