ಅಧ್ಯಕ್ಷತೆ ವಹಿಸಿದ್ದ ಮಿಷನ್ ಆಸ್ಪತ್ರೆಯ ಆಡಳಿತ ನಿರ್ದೇಶಕ ಡಾ.ಸುಶೀಲ್ ಜತ್ತಣ್ಣ ಮಾತನಾಡಿ, ದೇಶದಲ್ಲಿ 14 ಕೋಟಿಯಷ್ಟು ಜನರು 60 ವರ್ಷ ಮೇಲ್ಪಟ್ಟವರಿದ್ದಾರೆ. ಅವರಲ್ಲಿ ಹೆಚ್ಚಿನ ಜನರಿಗೆ ಅನೇಕ ಸಮಸ್ಯೆ ಹಾಗೂ ಕುಟುಂಬದವರು ಜತೆಯಲ್ಲಿ ಇಲ್ಲದಿರುವುದು, ವಾಹನ ಸೌಕರ್ಯ ಸೇರಿದಂತೆ ಇನ್ನಿತರ ಕಾರಣದಿಂದ ಆಸ್ಪತ್ರೆಗೆ ಬಂದು ಚಿಕಿತ್ಸೆ ಪಡೆಯಲು ಆಗುತ್ತಿಲ್ಲ. ಅಂತಹ ಹಿರಿಯರಿಗೆ ಅನುಕೂಲ ಆಗಲು ಲೊಂಬಾರ್ಡ್ ಆಸ್ಪತ್ರೆಯು ಮನೆ ಆರೈಕೆ ಸೇವೆ ಆರಂಭಿಸಿದೆ. ರಕ್ತ ತಪಾಸಣೆ, ಶುಶ್ರೂಷಾ ಆರೈಕೆ, ಭೌತ ಚಿಕಿತ್ಸೆ ಹಾಗೂ ವಾಟ್ಸಾಪ್ ಮಾಡಿದರೆ ಮನೆಗೇ ಔಷಧವನ್ನೂ ಪೂರೈಕೆ ಮಾಡಲಿದ್ದೇವೆ. ಡಾ. ಗಣೇಶ್ ಕಾಮತ್ ಆವರು ಪ್ರತಿದಿನ ಮಧ್ಯಾಹ್ನ 3 ರಿಂದ 5ರ ವರೆಗೆ ಮನೆ ಆರೈಕೆ ಸೇವೆ ನೀಡಲಿದ್ದಾರೆ. ನೇತ್ರತಜ್ಞರಾದ ಡಾ. ನರೇಂದ್ರ ಹಾಗೂ ಡಾ. ಆರ್ಥರ್ ಅವರು ಬೆಳಗ್ಗೆ 9:30ರಿಂದ ಮಧ್ಯಾಹ್ನ 12:30ರ ವರೆಗೆ ಹೊರರೋಗಿಗಳ ಸೇವೆಗೆ ಲಭ್ಯ ಇರಲಿದ್ದಾರೆ ಎಂದರು.
