ವಿಜಯವಾಣಿ ಸುದ್ದಿಜಾಲ ಗದಗ
ಜಿಲ್ಲೆಯಲ್ಲಿ ಸೆ. 30 ರಂದು ಜನತಾ ದರ್ಶನ ಜರುಗಿದ ಸಂದರ್ಭದಲ್ಲಿ ಸ್ವೀಕೃತಿ ಆಗಿದ್ದ 922 ಅರ್ಜಿಗಳ ಪೈಕಿ ಶೇ.95ರಷ್ಟು ಅರ್ಜಿಗಳ ವಿಲೇವಾರಿಗೆ ಸೂಕ್ತ ಕ್ರಮ ಕೈಗೊಳ್ಳಲಾಗಿದೆ ಎಂದು ಸಚಿವ ಎಚ್.ಕೆ. ಪಾಟೀಲ ಹೇಳಿದರು.
ಸುದ್ದಿಗೋಷ್ಟಿ ನಡೆಸಿ ಮಾತನಾಡಿದ ಅವರು, ಸಮರ್ಪಕ ದಾಖಲೆಗಳನ್ನು ಸಲ್ಲಿಸದ ಕೆಲ ಅರ್ಜಿದಾರರ ದಾಖಲೆಗಳನ್ನು ಖುದ್ದಾಗಿ ಸರ್ಕಾರಿ ಅಧಿಕಾರಿಗಳೇ ದಾಖಲೆ ಸಂಗ್ರಹಿಸಿ ಅರ್ಜಿಗಳ ವಿಲೇವಾರಿಯನ್ನು ಮಾಡಲು, ಪ್ರಕರಣ ತಾರ್ಕಿಕ ಅಂತ್ಯಕ್ಕೆ ಕೊಂಡೊಯ್ಯಲು ಸೂಚಿಸಲಾಗಿದೆ. 10 ದಿನ ಒಳಗಾಗಿ ಈ ಪ್ರಕ್ರಿಯೆ ಮುಗಿಯಲಿದೆ ಎಂದರು.
ಕೆಲ ಕ್ಲಿಷ್ಟ ಅರ್ಜಿಗಳು ವಿಲೇವಾರಿ ಮಾಡದಂತಹ ಸಮಸ್ಯೆಗಳನ್ನು ಒಳಗೊಂಡಿರುತ್ತವೆ. ಅಂತಹ ಅರ್ಜಿದಾರರ ಸಭೆ ಕರೆಯಲಾಗುವುದು. ಅಧಿಕಾರಿಗಳು ಮತ್ತು ಅರ್ಜಿದಾರರ ನಡುವೆ ಸಭೆ ನಡೆಸಿ ಪ್ರಕರಣ ವಿಲೇವಾರಿ ಮಾಡಲಾಗುವುದು ಎಂದರು.
ಜನತಾ ದರ್ಶನದಲ್ಲಿ ಸ್ವೀಕೃತಿ ಆಗಿದ್ದ ಕೃಷಿ ಇಲಾಖೆಯ 20 ಲ್ಲಿ 17 ಅರ್ಜಿ ವಿಲೇವಾರಿ ಮಾಡಲಾಗಿದೆ. ಪಶುಸಂಗೋಪನೆಯಲ್ಲಿ ಎಲ್ಲ 39 ಅರ್ಜಿಗಳು, ವಾಣಿಜೋದ್ಯ ಇಲಾಖೆಯ 9 ಅರ್ಜಿಗಳಲ್ಲಿ 7, ಸಾಮಾಜ ಕಲ್ಯಾಣ ಇಲಾಖೆಯ ಎಲ್ಲ 14 ಅರ್ಜಿಗಳ, ಮಹಿಳಾ ಮತ್ತು ಮಕ್ಕಳ ಇಲಾಖೆಯ 24 ಅರ್ಜಿಗಳಲ್ಲಿ 20 ಅರ್ಜಿ, ವಿದ್ಯುತ್ ವಿಭಾಗದ ಎಲ್ಲ 7 ಅರ್ಜಿ, ಆಹಾರ ಇಲಾಖೆಯ ಎಲ್ಲ 18 ಅರ್ಜಿ ವಿಲೇವಾರಿ, ಆರೋಗ್ಯ ಇಲಾಖೆಯ 12, ಗೃಹ ಇಲ್ಲಾಖೆಯ 13, ಉನ್ನತ ಶಿಕ್ಷಣ ಇಲಾಖೆಯ 5, ವಸತಿ ಇಲಾಖೆಯ 275 ಅಜಿರ್ಯಲ್ಲಿ 180 ಅಜಿರ್ಗಳ ಮೇಲೆ ಕ್ರಮ ವಹಿಸಲಾಗಿದೆ. ಅಲ್ಪಸಂಖ್ಯಾತ ಇಲಾಖೆಯ 39 ಅರ್ಜಿ, ಕಂದಾಯ ಇಲಾಖೆಯ 217 ರಲ್ಲಿ 211 ಅರ್ಜಿ ವಿಲೇವಾರಿ ಮಾಡಲಾಗಿದೆ. ಬಿಪಿಎಲ್ ಕಾರ್ಡದಾರರಿಗೆ ಡಿಬಿಟಿ ಮೂಲಕ ಹಣ ಸಂದಾಯ ಆಗದ ಕುರಿತು 28 ಅರ್ಜಿ ಬಂದಿದ್ದವು. ಅದರಲ್ಲಿ 23 ವಿಲೇವಾರಿ ಮಾಡಲಾಗಿದೆ. ಒಟ್ಟಾರೆ 153 ಅರ್ಜಿಗಳು ಬಾಕಿ ಉಳಿದುಕೊಂಡಿದೆ ಎಂದರು.
