ಹಿರಿಯೂರು ವಿವಿ ಸಾಗರದ ತಡೆಗೋಡೆಗೆ ಪಿಚಿಂಗ್ ನಿರ್ವಿುಸಲು ಒತ್ತಾಯ

ಹಿರಿಯೂರು: ತಾಲೂಕಿನ ವಿವಿ ಸಾಗರ ಜಲಾಶಯದ ತಡೆಗೋಡೆಗೆ ಪಿಚಿಂಗ್ ನಿರ್ವಿುಸುವಂತೆ ರೈತರು ಒತ್ತಾಯಿಸಿದ್ದಾರೆ.

ಜಲಾಶಯದ ಕೋಡಿ ಬೀಳುವ ಸ್ಥಳಕ್ಕೆ ಸಣ್ಣ ನೀರಾವರಿ ಇಲಾಖೆ ಅಧಿಕಾರಿಗಳೊಂದಿಗೆ ಮಂಗಳವಾರ ಭೇಟಿ ನೀಡಿದ ರೈತ ಮುಖಂಡರು ಈ ಬೇಡಿಕೆ ಇಟ್ಟರು.

ಪ್ರಸ್ತುತ ಜಲಾಶಯದ ನೀರಿನ ಮಟ್ಟ 126 ಅಡಿ ತಲುಪಿದ್ದು, 1933 ರ ನಂತರ ಮೊದಲ ಬಾರಿಗೆ ಕೋಡಿ ಬೀಳುವ ಸಾಧ್ಯತೆ ಹೆಚ್ಚಿದೆ. ಮೈಸೂರಿನ ನಾಲ್ವಡಿ ಕೃಷ್ಣರಾಜ ಒಡೆಯರ ಕಾಲದಲ್ಲಿ ನಿರ್ವಿುಸಿರುವ ಜಲಾಶಯಕ್ಕೆ ಶತಮಾನದ ಇತಿಹಾಸವಿದೆ. ಕೋಡಿ ಬಿದ್ದರೆ 4 ಟಿಎಂಸಿ ಅಡಿ ನೀರು ಹರಿದು ಹೋಗಲಿದೆ.

ಕೋಡಿ ಒಳ-ಹೊರ ತಡೆಗೋಡೆ ಪಿಚಿಂಗ್ ಕಲ್ಲುಗಳನ್ನು ಮನೆ, ಹೊಲದಲ್ಲಿ ಬದು ನಿರ್ಮಾಣ ಇತರ ಕಾರ್ಯಕ್ಕೆ ಕಿತ್ತು ಕೊಂಡು ಹೋಗಿದ್ದು, ಕೋಡಿ ನೀರಿನ ರಭಸಕ್ಕೆ ರಸ್ತೆ, ಜಮೀನು, ನದಿ ಪಾತ್ರದ ಗ್ರಾಮದ ಜನ-ಜಾನುವಾರುಗಳಿಗೆ ಹಾನಿಯಾಗಲಿದೆ. ಪಿಚಿಂಗ್ ನಿರ್ವಿುಸುವುದರಿಂದ ನೀರು ವ್ಯರ್ಥವಾಗುವುದನ್ನು ತಪ್ಪಿಸಬಹುದು ಎಂದು ರೈತರು ಅಧಿಕಾರಿಗಳಿಗೆ ಮನವರಿಕೆ ಮಾಡಿದರು.

ರೈತ ಮುಖಂಡರಾದ ಕಸವನಹಳ್ಳಿ ರಮೇಶ್, ದೇವರಾಜ್ ನಾಗಣ್ಣ, ರಾಮಚಂದ್ರ, ಆರ್.ಕೆ.ಗೌಡ, ಕೆ.ಟಿ.ತಿಪ್ಪೇಸ್ವಾಮಿ, ಸಿದ್ದರಾಮಣ್ಣ ಸಣ್ಣ ನೀರಾವರಿ ಇಲಾಖೆ ಎಇಇ ಕೃಷ್ಣಮೂರ್ತಿ, ನಿಜ್ಜೇಗೌಡ, ನವೀನ್ ಇತರರಿದ್ದರು.