ಗೋಕರ್ಣ:ಸ್ಥಳೀಯ ಪೊಲೀಸ್ ಠಾಣಾ ವ್ಯಾಪ್ತಿಯ ಹಿರೇಗುತ್ತಿ ರಾಷ್ಟ್ರೀಯ ಹೆದ್ದಾರಿ 66ರ ಮೇಲೆ ಗುರುವಾರ ಬೆಳಗಿನ ಜಾವ ಒಂದೂವರೆ ಗಂಟೆ ಸುಮಾರಿಗೆ ಸಂಭವಿಸಿದ ಭೀಕರ ಅಪಘಾತದಲ್ಲಿ ಸರಕು ತುಂಬಿದ್ದ ಲಾರಿಯೊಂದು ಮೊಗಚಿ ಬಿದ್ದು ಪೊಲೀಸ್ ಕಾವಲು ಕಾಯುತ್ತಿದ್ದ ಶೆಡ್ ಸಂಪೂರ್ಣ ಧ್ವಂಸವಾದ ಘಟನೆ ನಡೆದಿದೆ.ಈ ಶೆಡ್ನ ಒಳಗೆ ಕರ್ತವ್ಯದಲ್ಲಿದ್ದ ಪೊಲೀಸ್ ಸಿಬ್ಬಂದಿ ಶಿವಾನಂದ ಲಕ್ಷ್ಮಣ ಗೌಡ ಮತ್ತು ಗೃಹರಕ್ಷಕ ಸಿಬ್ಬಂದಿ ವಿಶ್ವನಾಥ ಮಂಗೇಶ್ಕರ್ ಎನ್ನುವವರು ಆಶ್ಚರ್ಯಕರವಾಗಿ ಬಚಾವಾಗಿದ್ದಾರೆ.ಅಂಕೋಲಾ ಕಡೆಯಿಂದ ಕುಮಟಾ ಕಡೆಗೆ ವೇಗವಾಗಿ ಬರುತ್ತಿದ್ದ ಮಹಾರಾಷ್ಟ್ರ ನೋಂದಣಿ ಹೊಂದಿರುವ ಲಾರಿ ಚಾಲಕನ ನಿಯಂತ್ರಣ ತಪ್ಪಿ ಮೊದಲು ಹೆದ್ದಾರಿಯಲ್ಲಿದ್ದ ಬ್ಯಾರಿಕೇಡ್ಗೆ ಬಡಿಯಿತು.ನಂತರ ಬಲ ಮಗ್ಗುಲಾಗಿ ಮೊಗಚಿ ಬಿದ್ದ ಲಾರಿ ಶೆಡ್ಗೆ ಬಡಿದು ಶೆಡ್ ನಾಶವಾಗುವಂತಾಯಿತು.ಅಪಘಾತದಿಂದ ಪೊಲೀಸ್ ಸಿಬ್ಬಂದಿ ಶಿವಾನಂದ ಗೌಡ ಅವರ ಬಲಗಾಲು ಮತ್ತು ಮಂಡಿಗೆ ಪೆಟ್ಟಾಗಿದೆ.ಮುಂಜಾಗರೂಕತೆಯಿAದ ಇಬ್ಬರು ಸಿಬ್ಬಂದಿ ಶೆಡ್ ಆಚೆ ಹಾರಿ ಜೀವ ಉಳಿಸಿಕೊಂಡರು ಎನ್ನಲಾಗಿದೆ.
