ಹಾಡಿನ್ಯಾಗ ಏನೈತಿ?: ‘ಹುಬ್ಬಳ್ಳಿ ಗಿಚ್ ಐತಿ’ ಹಾಡಿನಲ್ಲಿ ಹುಬ್ಬಳ್ಳಿಯ ವಿಶೇಷತೆಗಳನ್ನು ಬಿಂಬಿಸಲಾಗಿದೆ. ಈ ಭಾಗದ ವಿಶೇಷ ಖಾದ್ಯಗಳಾದ ಖಡಕ್ ರೊಟ್ಟಿ-ಎಣ್ಣೆಗಾಯಿ ಪಲ್ಯ, ಸಾವಜಿ ಊಟ, ಧಾರವಾಡ ಪೇಡಾ ಹಾಗೂ ಪ್ರಸಿದ್ಧ ಸ್ಥಳಗಳನ್ನು ಹಾಡಿನಲ್ಲಿ ತೋರಿಸಲಾಗಿದೆ. ರಾಷ್ಟ್ರಮಟ್ಟದ ಖ್ಯಾತಿ ಪಡೆದ ಹುಬ್ಬಳ್ಳಿಯ ವಿಆರ್ಎಲ್ ಸಮೂಹ ಸಂಸ್ಥೆಗಳ ಚೇರ್ಮನ್ ಡಾ.ವಿಜಯ ಸಂಕೇಶ್ವರ, ಎಂಡಿ ಆನಂದ ಸಂಕೇಶ್ವರ, ವರೂರಿನ ವಿಆರ್ಎಲ್ ಕಚೇರಿ ಆವರಣ, ವಿಧಾನ ಪರಿಷತ್ ಸಭಾಪತಿ ಬಸವರಾಜ ಹೊರಟ್ಟಿ, ಶಾಸಕ ಅರವಿಂದ ಬೆಲ್ಲದ, ಪ್ಯಾರಾ ಪಟು ಜ್ಯೋತಿ ಸಣ್ಣಕ್ಕಿ, ಮರಿ ಗಾನಕೋಗಿಲೆ ಮಹನ್ಯಾ ಪಾಟೀಲ, ‘ನನ್ನ ಗೆಳತಿ ...’ ಹಾಡಿನ ಖ್ಯಾತಿಯ ಮಂಜುನಾಥ ಸಂಗಳದ, ಗಿನ್ನೆಸ್ ದಾಖಲೆಯ ಸ್ಕೇಟಿಂಗ್ ಪಟು ಓಜಲ್ ನಲವಡಿ ಮತ್ತಿತರ ಸಾಧಕರ ಝುಲಕ್ ಹಾಡಿನಲ್ಲಿದೆ.
