ಹಿಂದುಗಳನ್ನು ಕಟ್ಟಿಹಾಕಲು ಸಾಧ್ಯವಿಲ್ಲ

ಮುರಗೋಡ: ಸ್ಥಳೀಯ ಮಲ್ಲಿಕಾರ್ಜುನ ಓಣಿಯ ಆರ್‌ಎಸ್‌ಎಸ್ ಅಂಗನವಾಡಿ ಗಜಾನನ ಉತ್ಸವ ಕಮಿಟಿಯ 25ನೇ ವಾರ್ಷಿಕೋತ್ಸವ ನಿಮಿತ್ತ ಮಂಗಳವಾರ ಏರ್ಪಡಿಸಿದ್ದ ವಿವಿಧ ಮನರಂಜನಾ ಕಾರ್ಯಕ್ರಮವನ್ನು ಸಂಸದ ಜಗದೀಶ ಶೆಟ್ಟರ್ ಮಾತನಾಡಿದರು.

ಜಗದೀಶ ಶೆಟ್ಟರ್ ಮಾತನಾಡಿ, ಲೋಕಮಾನ್ಯ ಬಾಲಗಂಗಾಧರ ತಿಲಕರು ಬ್ರಿಟಿಷರ ವಿರುದ್ಧ ಹೋರಾಟ ಮಾಡಲು ಸಾರ್ವಜನಿಕ ಗಣೇಶೋತ್ಸವ ಆರಂಭಿಸಿದರು. ಆದರೆ, ಇಂದು ಹಿಂದು ಧರ್ಮ ವಿರೋಧಿ ಸರ್ಕಾರಗಳು ಗಣೇಶೋತ್ಸವಕ್ಕೆ ಸಾಕಷ್ಟು ನಿರ್ಬಧ ಹೇರುತ್ತಿವೆ. ಎಷ್ಟೇ ನಿಗ್ರಹಿಸಿದರೂ ಹಿಂದು ಸಮಾಜವನ್ನು ಕಟ್ಟಿಹಾಕಲು ಸಾಧ್ಯವಿಲ್ಲ ಎಂದು ಹೇಳಿದರು.

ಮಂಡ್ಯ ಜಿಲ್ಲೆಯ ನಾಗಮಂಗಲ ತಾಲೂಕಿನಲ್ಲಿ ನಡೆದ ಗಣೇಶೋತ್ಸವ ಮೆರವಣಿಗೆಯಲ್ಲಿ ಮತಾಂಧರು ನಡೆಸಿದ ದಾಳಿಯನ್ನು ಖಂಡಿಸುತ್ತೇನೆ ಎಂದರು. ಬೆಳಗಾವಿ ಗ್ರಾಮೀಣ ಬಿಜೆಪಿ ಜಿಲ್ಲಾಧ್ಯಕ್ಷ ಸುಭಾಷ ಪಾಟೀಲ, ಮಾಜಿ ಶಾಸಕರಾದ ಜಗದೀಶ ಮಟಗುಡ್ಡ, ಡಾ.ವಿ.ಐ.ಪಾಟೀಲ, ಜೆಡಿಎಸ್ ಅಧ್ಯಕ್ಷ ಶಂಕರ ಮಾಡಲಗಿ ಮಾತನಾಡಿದರು. ಗುರುಪಾದ ಕಳ್ಳಿ, ಗುರು ಮೆಟಗುಡ್ಡ, ಸುಭಾಸ ತುರಮರಿ, ಎಫ್.ಎಸ್. ಸಿದ್ದನಗೌಡರ, ಸುರೇಶ ಮ್ಯಾಕಲ, ಮಹಾಂತೇಶ ಆಳಾಜ, ಮಲ್ಲಿಕಾರ್ಜುನ ಗೌಡತಿ, ವಿನಯ ಮಾಸ್ತಮರಡಿ, ಮಹಾಂತೇಶ ಬಡಿಗೇರ, ರಮೇಶ ತಳವಾರ, ಲೋಕೇಶ ಧರ್ಮಶಾಲಿ, ರಾಕೇಶ ಕೋಲಕಾರ ಇತರರಿದ್ದರು.