ಇದೇ ಸಂದರ್ಭದಲ್ಲಿ ಇಬ್ಬರು ಅಲ್ಪಾವಧಿ ಶಿಕ್ಷಾಬಂದಿಗಳಾದ ಗೋಕಾಕ ತಾಲೂಕಿನ ಅಜ್ಜನಕಟ್ಟಿಯ ಸಿದ್ದಪ್ಪ ವೆಂಕಪ್ಪ ಪೂಜೇರಿ ಹಾಗೂ ಖಾನಾಪುರ ತಾಲೂಕಿನ ಹಿರೇಮುನವಳ್ಳಿಯ ಮಾಣಿಕ ಈರಪ್ಪ ಅಳವನಿ ಅವರಿಗೆ ಬಿಡುಗಡೆ ಪ್ರಮಾಣಪತ್ರ ಹಾಗೂ ವಿವಿಧ ಸ್ಪರ್ಧೆಗಳಲ್ಲಿ ವಿಜೇತ ಬಂದಿಗಳಿಗೆ ಬಹುಮಾನ ವಿತರಿಸಲಾಯಿತು. ಮುಖ್ಯ ಮಂತ್ರಿ ಪದಕಕ್ಕೆ ಭಾಜನರಾಗಿರುವ ಸಹಾಯಕ ಜೈಲರ್ ಆಗಿದ್ದ ದಿ.ರಮೇಶ ಎಸ್.ಚಿಗರಿಯವರ ಪತ್ನಿ ಶೈಲಾ ಚಿಗರಿ, ಶಿರಸಿಯ ಉಪ ಕಾರಾಗೃಹ ಮುಖ್ಯ ವೀಕ್ಷಕ ಮಂಜುನಾಥ ನಾಯ್ಕ ಹಾಗೂ ಬೈಲಹೊಂಗಲದ ತಾಲೂಕು ಉಪ ಕಾರಾಗೃಹದ ಮುಖ್ಯ ವೀಕ್ಷಕಿ ಗಂಗವ್ವ ನಂದೆನ್ನವರ ಅವರಿಗೆ ಮುಖ್ಯ ಮಂತ್ರಿಯವರ ಸೇವಾ ಪದಕ ನೀಡಿ ಗೌರವಿಸಲಾಯಿತು.
ಕಾರಾಗೃಹದ ಆಡಳಿತಾಧಿಕಾರಿ ಬಿ.ಎಸ್.ಪೂಜಾರಿ, ಸಹಾಯಕ ಅಧೀಕ್ಷಕ ಶಹಾಬುದ್ದಿನ್ ಕೆ., ಜೈಲರಗಳಾದ ವೈ.ಎಸ್.ನಾಯ್ಕ, ಬಸವರಾಜ ಭಜಂತ್ರಿ, ರಮೇಶ ಕಾಂಬಳೆ, ಎಸ್.ಯಾದಗೊಡೆ ಇದ್ದರು.
