ಹಿಂದಿದ್ದ ಮೂರು ಆಯ್ಕೆ: ಈ ಹಿಂದೆ ಮೂರು ಆಯ್ಕೆಗಳನ್ನು ಇರಿಸಲಾಗಿತ್ತು. ಮೂಲ್ಕಿ ರೈಲ್ವೇ ಸ್ಟೇಷನ್, ಪದ್ಮನೂರು, ಕಿನ್ನಿಗೋಳಿ, ಕಟೀಲು, ಪೊಳಲಿ, ಬಂಟ್ವಾಳ, ಮೂಳೂರು ಸಜಿಪ, ಕರಿಯಂಗಳ ಮೂಲಕ ತೊಕ್ಕೊಟ್ಟು.(62.4 ಕಿ.ಮೀ). ಮೂಲ್ಕಿ, ಕಿಲ್ಪಾಡಿ, ಅರಾಳ, ಅಗ್ರಾರ್, ಮೇಲ್ಕಾರ್, ಸಜಿಪ ನಡು, ಬೊಳಿಯಾರ್, ಮುಡಿಪು, ಅಸೈಗೋಳಿ, ಸೋಮೇಶ್ವರ(71.9 ಕಿ.ಮೀ) ಹಾಗೂ ಹೆಜಮಾಡಿ, ಏಳಿಂಜೆ, ತೋಡಾರ್, ಹೊಸಬೆಟ್ಟು, ನರಿಕೊಂಬು, ಮೇಲ್ಕಾರ್, ಇರಾ, ಬಾಳೆಪುಣಿ, ಸೋಮೇಶ್ವರ(69.4 ಕಿ.ಮೀ). ಮೊದಲೆರಡನ್ನು ಕೈ ಬಿಡಲಾಗಿದ್ದು ಕೊನೆಯದರಲ್ಲೂ ಕೆಲ ಮಾರ್ಪಾಡು ಮಾಡಲಾಗಿದೆ.
ಗ್ರೀನ್ಫೀಲ್ಡ್ ಹಾಗೂ ಬ್ರೌನ್ ಫೀಲ್ಡ್ ಎರಡೂ ಆಯ್ಕೆಯನ್ನು ಸಚಿವಾಲಯಕ್ಕೆ ಇರಿಸಿ, ಡಿಪಿಆರ್ ಸಲ್ಲಿಸಲಾಗುವುದು. ಸಚಿವಾಲಯದ ಆಯ್ಕೆ ಅಂತಿಮ. ಸದ್ಯ ಡಿಪಿಆರ್ ಪೂರ್ಣವಾಗದ ಕಾರಣ ವೆಚ್ಚ ಗೊತ್ತಾಗುವುದಿಲ್ಲ ಎಂದು ಎನ್ಎಚ್ಎಐ ಅಧಿಕಾರಿಗಳು ತಿಳಿಸಿದ್ದಾರೆ.
