ನಾಡಿನುದ್ದಕ್ಕೂ ಸಂಚರಿಸಿ, ಸಹಸ್ರಾರು ಕನ್ನಡ, ಸಂಸ್ಕೃತ ತಾಡವಾಲೆ ಹಸ್ತಪ್ರತಿಗಳ ಸಂಗ್ರಹ ಮಾಡಿ ಸಂರಕ್ಷಿಸುತ್ತಿದ್ದಾರೆ. ದಾಸಸಾಹಿತ್ಯದ ಸಹಸ್ರಾರು ಪ್ರಕಾಶಿತ ಕೃತಿಗಳನ್ನು ಸಂಶೋಧಿಸಿದ್ದಾರೆ. ಸಂಸ್ಕೃತದ ಅನೇಕ ಅಮೂಲ್ಯ ದಾರ್ಶನಿಕ ಕೃತಿಗಳನ್ನು ಕನ್ನಡಕ್ಕೆ ಅನುವಾದ, ವಿವರಣೆಗಳನ್ನು ನೀಡಿ ಸಂಪಾದಿಸಿ ಪ್ರಕಾಶನ ಮಾಡಿದ್ದಾರೆ. ತಾವೇ ಸ್ಥಾಪಿಸಿದ ಸಂಶೋಧನ ಸಂಸ್ಥೆಗಳ ಮೂಲಕ ಗ್ರಂಥಗಳ ಸಂರಕ್ಷಣೆ, ಸಂಪಾದನೆ, ಹಸ್ತಪ್ರತಿಗಳ ಡಿಜಿಟಲೀಕರಣ ಮೊದಲಾದ ಕಾರ್ಯಗಳನ್ನು ಅಪಾರವಾಗಿ ಮಾಡಿದ್ದಾರೆ. ಹರಿದಾಸ ಸಾಹಿತ್ಯದ ಒಳನೋಟಗಳನ್ನು ಸಾಂಸ್ಕೃತಿಕ ಹಾಗೂ ದಾರ್ಶನಿಕ ಹಿನ್ನೆಲೆಯಲ್ಲಿ ಒದಗಿಸಿ, ನಾಡು, ನುಡಿಗಳಿಗೆ ಅದರಿಂದಾದ ಕೊಡುಗೆಯನ್ನು ಸಾಧಾರವಾಗಿ ನಿರೂಪಿಸಿರುವರು. ರಾಷ್ಟ್ರೀಯ, ಅಂತಾರಾಷ್ಟ್ರೀಯ ವಿಚಾರ ಸಂಕಿರಣಗಳಲ್ಲಿ ಪ್ರಬಂಧ ಮಂಡನೆ, ಅಧ್ಯಕ್ಷ ಭಾಷಣ, ಹತ್ತಾರು ಸಂಸ್ಥೆಗಳ ಪ್ರತಿಷ್ಠಿತ ಸದಸ್ಯತ್ವ, ಮಾರ್ಗದರ್ಶನ ಇವರಿಂದ ನಡೆದಿದೆ. ಮುನ್ನೂರಕ್ಕಿಂತ ಹೆಚ್ಚು ಮೌಲಿಕ ಗ್ರಂಥಗಳು, ಸಾವಿರಾರು ಸಂಶೋಧನ ಲೇಖನಗಳು ಇವರ ಅಪೂರ್ವ ಸಾಧನೆಯಾಗಿವೆ.
