ಬಡ ವಿದ್ಯಾರ್ಥಿಗಳ ವೈದ್ಯಕಿಯ ಕಲಿಕೆಗೆ ಸಹಾಯ

ವಿಜಯಪುರ:  ನೀಟ್​ ಪಾಸಾಗಿ ಸರ್ಕಾರಿ ಕೋಟಾದಡಿ ಎಂಬಿಬಿಎಸ್​ ಸೀಟು ಪಡೆದರೂ ಕೂಡ ಪ್ರವೇಶಾತಿಗೆ ಹಣಕಾಸಿನ ಸಮಸ್ಯೆ ಎದುರಿಸುತ್ತಿದ್ದ ಮೂವರು ಬಡ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಬಿಎಲ್​ಡಿಇ ಸಂಸ್ಥೆಯ ಅಧ್ಯ ಎಂ.ಬಿ. ಪಾಟೀಲರು ಸಹಾಯ ಹಸ್ತ ಚಾಚುವ ಮೂಲಕ ಈ ವಿದ್ಯಾರ್ಥಿಗಳು ವೈದ್ಯರಾಗುವ ಕನಸು ನನಸಾಗಿಸಲು ಆಸರೆಯಾಗಿದ್ದಾರೆ.

ವಿದ್ಯಾರ್ಥಿಗಳ ಕೋರ್ಸಿನ ಸಂಪೂರ್ಣ ವೆಚ್ಚವನ್ನು ಸಚಿವರು ಭರಿಸಲಿದ್ದು, ಮೊದಲ ವರ್ಷಕ್ಕೆ ಅಗತ್ಯವಾದ ಹಣದ ಚೆಕ್​ ಅನ್ನು ಶುಕ್ರವಾರ ತಮ್ಮ ಗೃಹ ಕಚೇರಿಯಲ್ಲಿ ವಿತರಿಸಿದರು.

ನಂತರ ಸಚಿವ ಎಂ.ಬಿ. ಪಾಟೀಲ ಮಾತನಾಡಿ, ಮೊದಲು ಬಿಎಲ್​ಡಿಇ ವೈದ್ಯಕಿಯ ಕಾಲೇಜಿನಲ್ಲಿ ಶೇ. 10 ರಷ್ಟು ಅಂದರೆ 15 ಸೀಟುಗಳನ್ನು ಬಡ, ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಉಚಿತವಾಗಿ ನೀಡಲಾಗುತ್ತಿತ್ತು. ಆದರೆ, ನೀಟ್​ ಜಾರಿಯಾದ ನಂತರ ಅದು ಸಾಧ್ಯವಾಗಲಿಲ್ಲ. ಅಂದಿನಿಂದ ಸದ್ಯದವರೆಗೆ ನೀಟ್​ ಪಾಸಾಗಿ ಸರ್ಕಾರಿ ಕೋಟಾದಡಿ ಸರ್ಕಾರಿ ಅಥವಾ ಖಾಸಗಿ ಮೆಡಿಕಲ್​ ಕಾಲೇಜುಗಳಲ್ಲಿ ಸೀಟು ಪಡೆದಿರುವ ಜಿಲ್ಲೆಯ ಬಡ, ಪ್ರತಿಭಾವಂತ ವಿದ್ಯಾರ್ಥಿಗಳ ವೈದ್ಯಕಿಯ ಶಿಣಕ್ಕೆ ಆರ್ಥಿಕ ನೆರವು ನೀಡಲಾಗುತ್ತಿದೆ ಎಂದು ತಿಳಿಸಿದರು.

ವಿದ್ಯಾರ್ಥಿಗಳಿಗೆ ಅಗತ್ಯವಾಗಿರುವ ಕಾಲೇಜಿನ ಟ್ಯೂಷನ್​ ಫೀ, ಹಾಸ್ಟೇಲ್​, ಊಟದ ಶುಲ್ಕ, ಪಠ್ಯಪುಸ್ತಕಗಳು ಸೇರಿ ಮುಂತಾದ ಖರ್ಚುಗಳಿಗೆ ಅಗತ್ಯವಿರುವ ಆರ್ಥಿಕ ನೆರವನ್ನು ನೀಡುತ್ತಿದ್ದೇವೆ. ಬಡ, ಪ್ರತಿಭಾವಂತ ವಿದ್ಯಾರ್ಥಿಗಳು ವೈದ್ಯರಾಗಬೇಕೆಂಬ ಕನಸು ನನಸಾಗಲು ಈ ಮೂಲಕ ಸಹಾಯ ಮಾಡುತ್ತಿದ್ದೇವೆ ಎಂದು ಹೇಳಿದರು.

ನಂತರ ಸಚಿವರು, ಸಿಂದಗಿ ತಾಲೂಕಿನ ಹಂಚನಾಳ ಗ್ರಾಮದ ಶರಣಮ್ಮ ಬಿರಾದಾರ, ತಿಕೋಟಾ ತಾಲೂಕಿನ ಅರಕೇರಿ ಎಲ್​ಟಿ&4 ರ ಪ್ರೀತಿ ನಾಯಕ ಮತ್ತು ಬಬಲೇಶ್ವರ ತಾಲೂಕಿನ ದೇವರ ಗೆಣ್ಣೂರ ಗ್ರಾಮದ ಅವಿನಾಶ ನಾವಿ ಅವರಿಗೆ ಸಚಿವರು ಎಂಬಿಬಿಎಸ್​ ಕೋರ್ಸಿನ ಮೊದಲ ವರ್ಷದ ಪ್ರಥಮ ಕಂತಿನ ಹಣದ ಚೆಕ್​ನ್ನು ವಿದ್ಯಾರ್ಥಿಗಳ ಪೋಷಕರಿಗೆ ವಿತರಿಸಿದರು.

ಸಂಸ್ಥೆಯ ನಿರ್ದೇಶಕ ಸುರೇಶಗೌಡ ಪಾಟೀಲ, ಸಂಸ್ಥೆಯ ಆಡಳಿತ ಕಚೇರಿ ಅಕೌಂಟ್ಸ್​ ಸುಪರಿಂಟೆಂಡೆಂಟ್​ ಎಸ್​.ಎಸ್​. ಪಾಟೀಲ, ವಿದ್ಯಾರ್ಥಿಗಳ ಪೋಷಕರಾದ ಮಹಾದೇವಿ ಬಿರಾದಾರ, ಪ್ರಕಾಶ ಶಂಕರ ನಾಯಕ, ಲಕ್ಷ$್ಮಣ ನಾವಿ ಹಾಗೂ ಲಕ್ಷಿ$್ಮಬಾಯಿ ನಾವಿ ಮತ್ತಿತರರಿದ್ದರು.