ಸರ್ಕಾರಿ ಮಕ್ಕಳ ಶಿಕ್ಷಣಕ್ಕೆ ನೆರವಾಗಿ

ಶಿರಾ: ವಿದ್ಯೆ ಯಾರು ಕದಿಯಲಾರದ ಸಂಪತ್ತು. ಉಳ್ಳವರು ಸರ್ಕಾರಿ ಶಾಲೆ ಮಕ್ಕಳಿಗೆ ಶೈಕ್ಷಣಿಕ ಅನುಕೂಲಕ್ಕಾಗಿ ಸವಲತ್ತುಗಳನ್ನು ನೀಡಿ, ತಮ್ಮದುಡಿಮೆ ಸಾರ್ಥಕತೆ ಪಡಿಸಿಕೊಳ್ಳಬೇಕು ಎಂದು ಸಮಾಜ ಸೇವಕ ಶ್ರೀಕಾಂತ್​ ಹೇಳಿದರು.

ಶಿರಾ ತಾಲೂಕಿನ ಹುಲಿಕುಂಟೆ ಹೋಬಳಿಯ ಯಾದಲಡಕು ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೆ ಉಚಿತವಾಗಿ ಬ್ಯಾಗ್​ ಮತ್ತು ಪಠ್ಯ ಸಲಕರಣೆಗಳನ್ನು ಬುಧವಾರ ವಿತರಿಸಿ ಮಾತನಾಡಿ, ನಮ್ಮ ಸ್ನೇಹಿತರು ಎಲ್ಲರೂ ಐಟಿ ಕಂಪನಿಗಳಲ್ಲಿ ಉದ್ಯೋಗ ಮಾಡುತ್ತಾರೆ. ದುಡಿಮೆಯಲ್ಲಿ ಅಲ್ಪ ಪಾಲು ಸಮಾಜಮುಖಿ ಸೇವೆಗೆ ಎಂಬ ಭಾವನೆಯೊಂದಿಗೆ ಎಲ್ಲರೂ ಒಗ್ಗೂಡಿ ಯೂಥ್​ಫಾರ್​ ಸೇವಾ ಎಂಬ ಘೋಷಣೆಯೊಂದಿಗೆ ಇಂತಹ ಸಮಾಜಮುಖಿ ಸೇವೆಯನ್ನು ಮಾಡುತ್ತಿದ್ದೇವೆ. ದಾನಿಗಳು ನೀಡುವ ಶೈಕ್ಷಣಿಕ ಸವಲತ್ತುಗಳನ್ನು ವಿದ್ಯಾರ್ಥಿಗಳು ಸದುಪಯೋಗಿಸಿ ಶೈಕ್ಷಣಿಕ ಯಶಸ್ಸು ಸಾಧಿಸಬೇಕು ಎಂದರು.

ಯಾದಲಡಕು ಸರ್ಕಾರಿ ಶಾಲೆಗೆ 6 ರೌಂಡ್​ ಟೇಬಲ್​, 30 ನಲಿ&ಕಲಿ ಚೇರು, 6 ಟೇಬಲ್​, 15.ಡೇಸ್ಕ್​ , ಡ್ರಾಂ ಸೇಟ್​ ಕೊಡುಗೆಯಾಗಿ ನೀಡಿದರು.

ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ನಿರ್ದೇಶಕ ಮಂಜುನಾಥ್​, ಮುಖಂಡರಾದ ಕೊಟ್ಟಿ ಮಂಜುನಾಥ್​, ಆರ್​.ತಿಪ್ಪೇಸ್ವಾಮಿ, ಶಾಲಾ ಅಭಿವೃದ್ಧಿ ಸಮಿತಿಯ ಲಕ್ಷಿ$್ಮ, ಅತಿಥಿ ಶಿಕ್ಷಕರಾದ ಗಿರೀಶ್​, ಸುಮಿತ್ರಾ, ಆಶಾ, ವಿದ್ಯಾರ್ಥಿಗಳು ಇದ್ದರು.