ಚಿತ್ರದ ಕುರಿತು ಭೀಮರಾವ್, ‘ಇದು ನೈಜ ಘಟನೆಯಾಧಾರಿತ ಚಿತ್ರ. ಗ್ರಾಮೀಣ ಭಾಗದ ಸಮಕಾಲೀನ ಯುವಕರ ಆಕರ್ಷಣೆಯನ್ನು ಹಾಸ್ಯ ಹಾಗೂ ಎಮೋಷನ್ಸ್ ಮೂಲಕ ತೋರಿಸುವ ಪ್ರಯತ್ನ ಮಾಡುತ್ತಿದ್ದೇವೆ. ಬೆಂಗಳೂರು ಹಾಗೂ ರಾಯಚೂರು ಸಮೀಪದ ಚಂದ್ರಬಂಡದಲ್ಲಿ ಸೆಟ್ ನಿರ್ಮಿಸಿ ಶೂಟಿಂಗ್ ಮಾಡಿದ್ದೇವೆ. ನಟ ನೀನಾಸಂ ಸತೀಶ್ ನಮ್ಮ ಚಿತ್ರವನ್ನು ಪ್ರಸ್ತುತಪಡಿಸುತ್ತಿದ್ದು, ಅವರ ಜತೆ ಡಾಲಿ ಧನಂಜಯ ಸೇರಿ ಹಲವರು ಸಿನಿಮಾ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ’ ಎಂದು ಸಂತಸ ಹಂಚಿಕೊಳ್ಳುತ್ತಾರೆ. ಗದಗ ಮೂಲದ ಯುವ ಕಲಾವಿದ ಮೌನೇಶ ನಟರಂಗ ಹಾಗೂ ಬೆಂಗಳೂರಿನ ಅನನ್ಯಾ ನಿಹಾರಿಕಾ ಮುಖ್ಯಭೂಮಿಕೆಯಲ್ಲಿದ್ದಾರೆ. ಇಬ್ಬರೂ ಹೊಸಬರಾದ ಕಾರಣ ಭೀಮರಾವ್ 15 ದಿನಗಳ ಕಾಲ ಶೂಟಿಂಗ್ ಸ್ಪಾಟ್ನಲ್ಲಿಯೇ ಅವರಿಗೆ ನಟನೆ ತರಬೇತಿ ನೀಡಿದ್ದಾರೆ. ಚಿತ್ರದಲ್ಲಿ ರಾಯಚೂರು ಸೊಗಡಿನ ಸಂಭಾಷಣೆ ಇದ್ದು, ಜತೆಗೆ ಅಲ್ಲಿನ ಜೀವನ ಪದ್ದತಿ ಹೇಗಿದೆ ಎಂಬುದನ್ನು ಪ್ರೇಕ್ಷಕರಿಗೆ ತಿಳಿಸುವ ಪ್ರಯತ್ನ ಮಾಡಲಾಗಿದೆ. ಇದೇ ತಿಂಗಳಾಂತ್ಯಕ್ಕೆ ‘ಹೆಬ್ಬುಲಿ ಕಟ್’ ಬಿಡುಗಡೆಗೆ ರೆಡಿಯಾಗಿದೆ.
