ಜಿಲ್ಲೆಯ ಕುಂದಾಪುರ, ಆನಗಳ್ಳಿ, ಕುಳುಂಜೆ, ಹಂದಾಡಿ, ಹನೇಹಳ್ಳಿ, ವಾರಂಬಳ್ಳಿ, ಆರೂರು, ಇನ್ನಾ, ಯಡ್ತರೆ, ಕಿರಿಮಂಜೇಶ್ವರ, ಖಂದಕೋಣೆ, ಕುಕ್ಕೆಹಳ್ಳಿ, ಪಡುತೋನ್ಸೆ, ಶಂಕರನಾರಾಯಣ, ಹಾವಂಜೆ ಭಾಗದಲ್ಲಿ ಮರಬಿದ್ದು, ಮನೆ, ಜಾನುವಾರು ಕೊಟ್ಟಿಗೆ, ಅಡಕೆ ತೋಟಗಳು ಹಾನಿಯಾಗಿದ್ದು, ಒಟ್ಟು ೫,೯೦,೦೦೦ ರೂ. ನಷ್ಟ ಅಂದಾಜಿಸಲಾಗಿದೆ. ಉಡುಪಿಯಲ್ಲಿ ೧೩೧, ಬ್ರಹ್ಮಾವರ ೧೦೬.೯, ಕಾಪು ೧೩೦.೭, ಕುಂದಾಪುರ ೯೭.೭, ಬೈಂದೂರು ೧೫೧.೬, ಕಾರ್ಕಳ ೧೨೪.೩, ಹೆಬ್ರಿ ೧೧೬.೬ ಮಿ.ಮಿ ಮಳೆ ಸುರಿದಿದೆ. ಹವಾಮಾನ ಇಲಾಖೆ ರೆಡ್ ಅಲರ್ಟ್ ಘೋಷಿಸಿದ ಹಿನ್ನೆಲೆಯಲ್ಲಿ ಬುಧವಾರ ಶಾಲೆ ಮತ್ತು ಪದವಿಪೂರ್ವ ಕಾಲೇಜುಗಳಿಗೆ ರಜೆ ಘೋಷಿಸಲಾಗಿತ್ತು. ಮುಂದಿನ ಎರಡು ದಿನಗಳ ಕಾಲ ಜಿಲ್ಲೆಯಲ್ಲಿ ಆರೆಂಜ್ ಅಲರ್ಟ್ ಇರಲಿದೆ.
