ಆಲಿಕಲ್ಲು ಮಳೆಗೆ ತತ್ತರಿಸಿದ ಬೆಳೆ

ವಿಜಯವಾಣಿ ಸುದ್ದಿಜಾಲ ಕಾಮಸಮುದ್ರ ಹೋಬಳಿಯಾದ್ಯಂತ ಬುಧವಾರ ಸಂಜೆ ಸುರಿದ ಬಿರುಗಾಳಿ ಸಹಿತ ಆಲಿಕಲ್ಲು ಮಳೆಗೆ ಬೆಳೆ ಸಂಪೂರ್ಣವಾಗಿ ನಾಶವಾಗಿದ್ದು ಲಕ್ಷಾಂತರ ರೂ. ನಷ್ಟ ಸಂಭವಿಸಿದೆ. ಹೋಬಳಿಯ ತಮಿಳುನಾಡು ಗಡಿಗೆ ಅಂಟಿಕೊಂಡಿರುವ ಮುಷ್ಟರಹಳ್ಳಿ, ಬತ್ತಲಾವೂರು, ಗುಂಡಾರ‌್ಲಹಳ್ಳಿ, ತಳೂರು, ಪೋಲೇನಹಳ್ಳಿ, ಬತ್ತಲಹಳ್ಳಿ ಸೇರಿ ಸುತ್ತಮುತ್ತಲ ಪ್ರದೇಶಗಳಲ್ಲಿ ಬೆಳೆದಿದ್ದ ಟೊಮ್ಯಾಟೋ, ಗಡ್ಡೆ ಕೋಸು, ವೀಳೆದೆಲೆ ಮತ್ತು ಸೇವಂತಿ ಹೂವಿನ ತೋಟಗಳು ಸಂಪೂರ್ಣವಾಗಿ ನೆಲಕಚ್ಚಿವೆ. ಬತ್ತಲಾವೂರು, ಮುಷ್ಟರಹಳ್ಳಿ ಸೇರಿ 40ಕ್ಕೂ ಹೆಚ್ಚಿನ ಪ್ರದೇಶದಲ್ಲಿ ಬೆಳೆ ನಾಶವಾಗಿವೆ.