ಆರೋಗ್ಯ ಸಂಪತ್ತು ಶ್ರೇಷ್ಠ ಭಾಗ್ಯ

ಅಥಣಿ: ಎಲ್ಲ ಸಂಪತ್ತುಗಳಿಗಿಂತ ಆರೋಗ್ಯ ಸಂಪತ್ತು ಬಹಳ ಮುಖ್ಯ. ಕನಿಷ್ಠ 6 ತಿಂಗಳಿಗೊಮ್ಮೆ ಸಾಮಾನ್ಯ ಆರೋಗ್ಯ ತಪಾಸಣೆ ಮಾಡಿಸಿಕೊಳ್ಳಬೇಕು ಎಂದು ಗಚ್ಚಿನಮಠದ ಶಿವಬಸವ ಸ್ವಾಮೀಜಿ ಸಲಹೆ ನೀಡಿದರು.

ಇಲ್ಲಿನ ಪುರಾಥನೇಶ್ವರ ದೇವಾಲಯದ ಬಳಿ ಮುರುಂದ್ರ ಶಿವಯೋಗಿಗಳ 104ನೇ ಜಾತ್ರಾ ಮಹೋತ್ಸವ ನಿಮಿತ್ತ ರೋಟರಿ ಕ್ಲಬ್​ ವತಿಯಿಂದ ಗುರುವಾರ ಹಮ್ಮಿಕೊಂಡಿದ್ದ ಬಿಪಿ, ಶುಗರ್​ ಉಚಿತ ತಪಾಸಣೆ ಶಿಬಿರ ಉದ್ಘಾಟಿಸಿ ಮಾತನಾಡಿದರು. ಈ ಕಲುಷಿತ ವಾತಾವರಣದಲ್ಲಿ ಆಹಾರ ಸೇವನೆಯಲ್ಲಿ ಜಾಗರೂಕವಾಗಿರಬೇಕು. ಯೋಗ, ವ್ಯಾಯಾಮ ಮತ್ತು ಸಂಗೀತ, ಸತ್ಸಂಗಗಳಲ್ಲಿ ಪಾಲ್ಗೊಂಡು ಚೈತನ್ಯದಿಂದಿರಬೇಕು. ರೋಟರಿ ಕ್ಲಬ್​ ಉಚಿತವಾಗಿ ಬಿಪಿ, ಶುಗರ್​ ಮತ್ತು ಸಾಮಾನ್ಯ ತಪಾಸಣೆ ಆಯೋಜಿಸಿರುವುದು ಶ್ಲಾನೀಯ. ಎಲ್ಲರೂ ಸದುಪಯೋಗ ಪಡೆಯಬೇಕು ಎಂದು ಆಶಿಸಿದರು.

ರೋಟರಿ ಕ್ಲಬ್​ ಸಂಸ್ಥಾಪಕ ಅಧ್ಯ ಗಜಾನನ ಮಂಗಸೂಳಿ ಮಾತನಾಡಿ, 25ವರ್ಷಗಳಿಂದ ವಿವಿಧ ರೀತಿಯಲ್ಲಿ ಸಮಾಜಮುಖಿ ಸೇವೆಯಲ್ಲಿ ರೋಟರಿ ಕ್ಲಬ್​ ತೊಡಗಿಕೊಂಡು ತಾಲೂಕಿನಾದ್ಯಂತ ಹತ್ತು ಹಲವು ಜನೋಪಯೋಗಿ ಕಾರ್ಯಕ್ರಮ ಯೋಜಿಸಿದ್ದೇವೆ. ಜಾತ್ರೆಯಲ್ಲಿ ವಿವಿಧ ಊರುಗಳಿಂದ ಬರುವ ಜನರಿಗ ಆರೋಗ್ಯ ತಪಾಸಣೆ ತುಂಬ ಅನುಕೂಲವಾಗಲಿದೆ ಎಂದರು.

ತವೆದ್ಯರಾದ ಡಾ.ಪಿ.ಪಿ. ಮಿರಜ ಮತ್ತು ಡಾ.ಆನಂದ ಗುಂಜಿಗಾವಿ ತಪಾಸಣೆ ಕೆಗೊಂಡರು. ರೋಟರಿ ಕ್ಲಬ್​ ಸ್ಥಳಿಯ ಅಧ್ಯ ಅರುಣ ಸೌದಾಗರ, ಸದಸ್ಯರಾದ ಅರುಣ ಯಲಗುದ್ರಿ, ಅನಿಲ ದೇಶಪಾಂಡೆ, ಶಿವಾನಂದ ದಿವಾನಮಳ, ಸಚಿನ ದೇಸಾಯಿ, ಶ್ರೀಕಾಂತ ಅಥಣಿ, ಶೇಖರ ಕೋಲಾರ, ಸುರೇಶ ಬಳೊಳ್ಳಿ,ಭರತ ಸೋಮಯ್ಯ, ಮೇರಾಜ ಪರಮಾರ, ಬಾಳಪ್ಪ ಬುಕಿಟಗಾರ, ಸೋಮು ವಾಂಗಿ ಇತರರು ಇದ್ದರು.