ಎಚ್.ಡಿ. ಕೋಟೆ : ಕನ್ನಡನಾಡಿನ ಸವಾರ್ಂಗೀಣ ಬೆಳವಣಿಗೆಗೆ ಕನ್ನಡಿಗರು ಸಂಕಲ್ಪ ಮಾಡಬೇಕು ಎಂದು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಸಹಾಯಕ ಪ್ರಾಧ್ಯಾಪಕರಾದ ಕೃಪಾ ಗಣೇಶ್ ಹೇಳಿದರು. ತಾಲೂಕಿನ ತುಂಬಸೋಗೆ ಗ್ರಾಮದಲ್ಲಿ ಎಂ.ಎಂ.ಕೆ. ಸ್ವತಂತ್ರ ಪದವಿ ಪೂರ್ವ ಕಾಲೇಜು ಆವರಣದಲ್ಲಿ ಸೋಮವಾರ ತಾಲೂಕು ಕಸಾಪ ಹಮ್ಮಿಕೊಂಡಿದ ಪರಿಷತ್ತಿನ 111ನೇ ಸಂಸ್ಥಾಪನಾ ದಿನಾಚರಣೆ ಯಲ್ಲಿ ಮಾತನಾಡಿದರು. ಕನ್ನಡ ಸಾಹಿತ್ಯ ಪರಿಷತ್ತು ಕನ್ನಡಿಗರ ಅನನ್ಯ ಮತ್ತು ಅಸ್ಮಿತೆಯ ಸಂಸ್ಥೆಯಾಗಿದೆ. ಕನ್ನಡನಾಡಿನ ಸವಾರ್ಂಗೀಣ ಪ್ರಗತಿಗೆ ತನ್ನದೇ ಆದ ಕೊಡುಗೆ ನೀಡಿದೆ ಎಂದರು. ಕಸಾಪ ಎಂಬುದು ಕನ್ನಡಿಗರ ತನು, ಮನ, ಧನದಿಂದ ಬೆಳೆದ ಸಂಘಟನೆ. ಸಣ್ಣದಾಗಿ ಪ್ರಾರಂಭವಾದರೂ ಇಂದು 4 ಲಕ್ಷ ಸದಸ್ಯರನ್ನು ಹೊಂದಿ ಹೊರ ರಾಜ್ಯ ಮತ್ತು ಹೊರ ದೇಶಗಳಲ್ಲೂ ಶಾಖೆಗಳನ್ನು ಹೊಂದಿದ ಕೀರ್ತಿಗೆಭಾಜನವಾಗಿದೆ ಎಂದರು.
