ವಿಜಯವಾಣಿಗೆ ಪ್ರತಿಕ್ರಿಯಿಸಿದ ಆರ್ಎ್ಒ ಗಣೇಶ್ ಶೆಟ್ಟರ್, ದಾಂಡೇಲಿ ಅರಣ್ಯ ಪ್ರದೇಶದಲ್ಲಿ ವಾಸಿಸುವ ಕಾಡುಕೋಣಗಳು ಮುಂಡಗೋಡ, ಕಾತೂರು ಮಾರ್ಗವಾಗಿ ಹಾನಗಲ್ಲ ತಾಲೂಕಿಗೆ ಆಗಮಿಸುತ್ತಲೇ ಇರುತ್ತವೆ. ಆದರೆ, ಈ ಬಾರಿ ಮಾಸನಕಟ್ಟಿವರೆಗೆ ಕಾಡು ಕೋಣಗಳು ಬಂದಿರುವ ಮಾಹಿತಿ ಸಿಕ್ಕಿದೆ. ಕಾಡಾನೆಗಳೂ ಇದೇ ಮಾರ್ಗವಾಗಿ ಆಹಾರ ಅರಸುತ್ತ ಬಂದಿರುತ್ತವೆ. ನಂತರ ತಮ್ಮ ಮೂಲ ವಾಸಸ್ಥಾನಕ್ಕೆ ಮರಳುತ್ತವೆ. ಕಾಡುಕೋಣಗಳಿಗೆ ದಟ್ಟಾರಣ್ಯ ಇರಬೇಕು. ನಮ್ಮ ತಾಲೂಕು ಬಯಲು ಪ್ರದೇಶವಾದ್ದರಿಂದ ಇಲ್ಲಿ ಅವು ಉಳಿಯಲಾರವು. ಸಾರ್ವಜನಿಕರು ಭಯಪಡುವ ಅಗತ್ಯವಿಲ್ಲ. ಕಾಡುಕೋಣದ ಬಗ್ಗೆ ಎಚ್ಚರಿಕೆಯಿಂದಿರುವಂತೆ ಸಾರ್ವಜನಿಕರಿಗೆ ನಮ್ಮ ಸಿಬ್ಬಂದಿ ಮಾಹಿತಿ ನೀಡಿದ್ದಾರೆ. ಅಲ್ಲದೆ, ಈ ಬಗ್ಗೆ ನಿಗಾ ವಹಿಸುತ್ತಿದ್ದಾರೆ ಎಂದು ತಿಳಿಸಿದರು.
