ಗುರುಬಸಪ್ಪ ಅವರಿಗೆ ಪುತ್ರ ಹಾಗೂ ನಾಲ್ವರು ಪುತ್ರಿಯರಿದ್ದಾರೆ. ಪುತ್ರ ರವಿ ಬಸಾಪುರ ಹಾಗೂ ಸಹೋದರಿಯರಾದ ರೇಖಾ, ಸುಜಾತಾ, ಗಿರಿಜಾ ಮತ್ತು ಪಾರ್ವತಿ ನಡುವೆ ಆಸ್ತಿ ವಿಚಾರವಾಗಿ ಭಿನ್ನಾಭಿಪ್ರಾಯಗಳಿವೆ. ಗುರುಬಸಪ್ಪ ಅವರ ಹೆಸರಿನಲ್ಲಿ 27 ಎಕರೆ ಜಮೀನಿದೆ. ಇತ್ತೀಚೆಗೆ ಅವರು, ತಮ್ಮ ಹೆಣ್ಣುಮಕ್ಕಳಿಗೂ ಆಸ್ತಿ ಹಂಚಿಕೆ ಮಾಡಿದ್ದರಿಂದ ಕುಟುಂಬದಲ್ಲಿ ಕಲಹ ಆರಂಭಗೊಂಡು, ತಂದೆಯ ನಿರ್ಧಾರದಿಂದ ಹಿರಿಯ ಪುತ್ರ ರವಿ ಬಸಾಪುರ ಅಸಮಾಧಾನಗೊಂಡಿದ್ದರು ಎನ್ನುವುದು ಸಹೋದರಿಯರ ಆರೋಪವಾಗಿದೆ. ಆಸ್ತಿ ಹಂಚಿಕೆ ಕಾರಣಕ್ಕೆ ರವಿ ಅವರೇ ತಂದೆಯನ್ನು ಕೊಲೆ ಮಾಡಿರುವ ಶಂಕೆ ಇದೆ. ಆರೋಪ ತಳ್ಳಿಹಾಕುತ್ತಿರುವ ರವಿ, ‘ಸಹೋದರಿಯರೇ ಆಸ್ತಿಗಾಗಿ ತಂದೆಯನ್ನು ಕೊಲೆ ಮಾಡಿ ನನ್ನ ಮೇಲೆ ಆರೋಪ ಬರುವಂತೆ ನಟಿಸುತ್ತಿದ್ದಾರೆ’ ಎಂಬುದಾಗಿ ಪೊಲೀಸರ ಎದುರು ಹೇಳಿಕೆ ನೀಡಿದ್ದಾರೆ ಎನ್ನಲಾಗುತ್ತಿದೆ.
