ಅತಿವೃಷ್ಟಿಯಿಂದ ಗೋವಿನಜೋಳ ಬೆಳೆ ಹಾನಿ, ಅಳಿದುಳಿದ ಬೆಳೆಗೆ ಸಿಗದ ಸಮರ್ಪಕ ಬೆಲೆಯಿಂದಾಗಿ ಕೃಷಿಗೆ ಮಾಡಿದ ಸಾಲ ತೀರಿಸಲಾಗದೆ ಮನನೊಂದು ಮಲ್ಲನಾಯಕನಕೊಪ್ಪ ಗ್ರಾಮದ ರೈತ ಯಲ್ಲಪ್ಪ ಹನುಮಂತಪ್ಪ ಅಗಸಿಮನಿ (55) ಹೊಲದಲ್ಲಿ ವಿಷ ಕುಡಿದು ಬುಧವಾರ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. 4 ಎಕರೆಯಷ್ಟು ಬೆಳೆಯಲಾಗಿತ್ತು. ಆರಂಭದಲ್ಲಿ ಅತಿವೃಷ್ಟಿಗೆ ಒಂದಿಷ್ಟು ಬೆಳೆ ಹಾಳಾಗಿತ್ತು. ಉಳಿದ ಬೆಳೆಗೂ ಸಮರ್ಪಕ ಬೆಲೆ ಸಿಗಲಿಲ್ಲ ಎನ್ನಲಾಗಿದೆ. ಶಿಗ್ಗಾಂವಿ ಫೈನಾನ್ಸ್ನಲ್ಲಿ 7.5 ಲಕ್ಷ ರೂ., ಹಾವೇರಿಯ ಫೈನಾನ್ಸ್ವೊಂದರಲ್ಲಿ 2ಲಕ್ಷ ರೂ., ಕೋಣನಕೇರಿ ಕರ್ನಾಟಕ ಗ್ರಾಮೀಣ ಬ್ಯಾಂಕ್ನಲ್ಲಿ 1.5 ಲಕ್ಷ ರೂ., ಚಂದಾಪುರ ವ್ಯವಸಾಯ ಸೇವಾ ಸಹಕಾರಿ ಸಂಘದಲ್ಲಿ 1.40ಲಕ್ಷ ರೂ., ಕೈಗಡವಾಗಿ 4.5ಲಕ್ಷ ರೂ. ಸಾಲ ಮಾಡಿದ್ದರು. ತೀರಿಸಲು ಸಾಧ್ಯವಾಗದೆ ಆತ್ಮಹತ್ಯೆಗೆ ಶರಣಾಗಿದ್ದಾರೆ ಸಂಬಂಧಿಕರು ದೂರಿನಲ್ಲಿ ತಿಳಿಸಿದ್ದಾರೆ.
