39,664 ಹೆಕ್ಟೇರ್ ಬಿತ್ತನೆ: ತಾಲೂಕಿನಲ್ಲಿ ಒಟ್ಟು 39,664 ಹೆಕ್ಟೇರ್ ಕೃಷಿ ಬಿತ್ತನೆ ಭೂಮಿ ಇದೆ. ಅದರಲ್ಲಿ ಈಗಾಗಲೇ 4,931 ಹೆಕ್ಟೇರ್ ಭತ್ತ, 18792 ಹೆಕ್ಟೇರ್ ಗೋವಿನ ಜೋಳ, 6826 ಹೆಕ್ಟೇರ್ ಸೋಯಾಬೀನ್, 828 ಹೆಕ್ಟೇರ್ ಶೇಂಗಾ, 18 ಹೆಕ್ಟೇರ್ ಹತ್ತಿ ಬೀಜ ಬಿತ್ತನೆ ಕಾರ್ಯ ಪೂರ್ಣಗೊಂಡಿದೆ. ಇದರಲ್ಲಿ 27,568 ಹೆಕ್ಟೇರ್ ಮಳೆ ಆಶ್ರಿತ ಭೂಮಿ, 5426 ಹೆಕ್ಟೇರ್ ನೀರಾವರಿ ಕೃಷಿ ಭೂಮಿ ಸೇರಿದಂತೆ 32,994 ಹೆಕ್ಟೇರ್ ಭೂಮಿ ಬಿತ್ತನೆ ಮಾಡಲಾಗಿದೆ. ಉಳಿದಂತೆ ದ್ವಿದಳ ಧಾನ್ಯಗಳಾದ ತೊಗರಿ, ಹುರುಳಿ, ಉದ್ದು, ಹೆಸರು, ಅಲಸಂದಿ, ಅವರೆ ಮುಂತಾದ ಬೀಜಗಳನ್ನು ಬಿತ್ತಲಾಗಿದೆ. ಬೀಜ, ಗೊಬ್ಬರಕ್ಕಾಗಿ ರೈತ ಈಗಾಗಲೇ ಸಾಕಷ್ಟು ಪ್ರಮಾಣದಲ್ಲಿ ಹಣ ಹಾಕಿದ್ದಾನೆ. ಕೂಲಿ ಕಾರ್ಮಿಕರ ಕೊರತೆಯಿಂದ, ಯಂತ್ರಗಳ ಸಹಾಯದಿಂದ ಉತ್ತಮ ಬಿತ್ತನೆ ಮಾಡಿದ್ದರೂ ಈ ವರ್ಷದ ರೈತನ ಕೃಷಿ ಭವಿಷ್ಯ ಮಾತ್ರ ಉತ್ತಮವಿಲ್ಲ ಎಂದು ಭಾಸವಾಗುತ್ತಿದೆ. ಒಟ್ಟಿನಲ್ಲಿ ಮುಂಗಾರು ಮಳೆ ಕೊರತೆ ರೈತರನ್ನು ಚಿಂತೆಗೀಡು ಮಾಡಿದೆ.
