2008ರ ಪೂರ್ವದಲ್ಲಿ ಶಿಗಾಂವಿ, ಸವಣೂರ ಹಿಂದುಳಿದ ತಾಲೂಕಾಗಿದ್ದವು ಬಸವರಾಜ ಬೊಮ್ಮಾಯಿ ಶಾಸಕರಾದ ನಂತರ ಅಭಿವೃದ್ಧಿಯಾಗಿದೆಯಂದು ಬಿಜೆಪಿ ಮುಖಂಡರು ಹೇಳಿಕೆ ನೀಡಿದ್ದಾರೆ. 2008ರ ಪೂರ್ವದಲ್ಲಿ ಕಾಂಗ್ರೆಸ್ ಶಾಸಕರಾಗಿದ್ದ ಮಂಜುನಾಥ ಕುನ್ನೂರ ಅವರು ಅನೇಕ ಅಭಿವೃದ್ಧಿ ಕಾರ್ಯಗಳನ್ನು ಮಾಡಿದ್ದಾರೆ. ಕೆಎಸ್ಆರ್ಪಿ 10ನೇ ಬೆಟಾಲಿಯನ್, ಶಿಗ್ಗಾಂವಿ, ಸವಣೂರ ಪಟ್ಟಣಕ್ಕೆ ಕುಡಿಯುವ ನೀರು ಒದಗಿಸಲು ವರದಾ ನದಿಯಿಂದ ಪೈಪ್ಲೈನ್ ಮೂಲಕ ಶಿಗ್ಗಾಂವಿಯ ನಾಗನೂರ ಕೆರೆಗೆ ಹಾಗೂ ಸವಣೂರಿನ ಮೋತಿ ತಲಾಬ್ ಕೆರೆಗೆ ನೀರು ಹರಿಸಲಾಗಿದೆ. ಅನೇಕ ಪ್ರಾಥಮಿಕ, ಪ್ರೌಢಶಾಲೆ ಹಾಗೂ ಕಾಲೇಜುಗಳು, ಪ್ರವಾಸಿ ಮಂದಿರ, ಹೊಸ ಬಸ್ ನಿಲ್ದಾಣ ಹೀಗೆ ಅನೇಕ ಅಭಿವೃದ್ಧಿ ಕಾರ್ಯಗಳನ್ನು ಮಾಡಿದಾಗಲೆ ಹಿಂದುಳಿದ ತಾಲೂಕಿನ ಹಣೆಪಟ್ಟಿ ಕಳಚಿಹೋಗಿದೆ. ಬಸವರಾಜ ಬೊಮ್ಮಾಯಿ ಅವರ ಅವಧಿಯಲ್ಲಿ ಅಭಿವೃದ್ಧಿ ಆಗಿದೆ ಎನ್ನುವುದು ಸತ್ಯಕ್ಕೆ ದೂರವಾಗಿದೆ ಎಂದರು.
