ರಟ್ಟಿಹಳ್ಳಿ ತಾಲೂಕಿನಲ್ಲಿ ಜಾನುವಾರು ಕಳ್ಳತನ ಆರೋಪಿ ಬಂಧನ arrest

ಮೂಲತಃ ಶಿಕಾರಿಪುರ ತಾಲೂಕಿನ ಕವಾಸಪುರದ, ಸದ್ಯ ಮಾಸೂರಿನ ನಿವಾಸಿ ವಾಜೀದ ಹುಸೇನ್​ಸಾಬ್​ ಗದಗ ಬಂಧಿತ.

ಕಳೆದ ಎರಡು ತಿಂಗಳಲ್ಲಿ ಶಿರಗಂಬಿ ಮತ್ತು ಮಕರಿ ಗ್ರಾಮದಲ್ಲಿ ಜಾನುವಾರುಗಳ ಕಳ್ಳತನವಾಗಿದ್ದ ಬಗ್ಗೆ ರಟ್ಟಿಹಳ್ಳಿ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಎಸ್​ಪಿ ಯಶೋಧಾ ವಂಟಗೋಡಿ, ಎಎಸ್​ಪಿ ಎಲ್​.ವೈ. ಶಿರಕೋಳ, ಡಿಎಸ್​ಪಿ ಲೋಕೇಶ ಜೆ., ಮತ್ತು ಸಿಪಿಐ ಮಂಜುನಾಥ ಪಂಡಿತ್​ ಅವರ ಮಾರ್ಗದರ್ಶನದಲ್ಲಿ ಸ್ಥಳಿಯ ಪಿಎಸ್​ಐ ರಮೇಶ ಪಿ.ಎಸ್​. ಚಂದ್ರಶೇಖರ ವಿಭೂತಿ ನೇತೃತ್ವದ ತಂಡ ರಚಿಸಲಾಗಿತ್ತು. ಪ್ರಕರಣದ ಪ್ರಮುಖ ಆರೋಪಿ ವಾಜೀದ ಗದಗ ಎಂಬಾತನನ್ನು ಬಂಧಿಸಿ, ಆರೋಪಿತನಿಂದ ಕೃತ್ಯಕ್ಕೆ ಬಳಸಿದ ಒಂದು ಬೊಲೇರೋ ವಾಹನ ಮತ್ತು ಒಂದು ಮೊಬೈಲ್​ ೋನ್​ ವಶಪಡಿಸಿಕೊಳ್ಳಲಾಗಿದೆ.

ಇನ್ನೂ ಇಬ್ಬರು ಆರೋಪಿಗಳೊಂದಿಗೆ ಸೇರಿಕೊಂಡು ಕಳ್ಳತನ ಮಾಡಿರುವ ಬಗ್ಗೆ ಆರೋಪಿ ವಿಚಾರಣೆಯಲ್ಲಿ ಬಾಯ್ಬಿಟ್ಟಿದ್ದಾನೆ.

ಸಿಬ್ಬಂದಿ ಮಾಲತೇಶ ನ್ಯಾಮತಿ, ರವಿ ಅಳಲಗೇರಿ, ಬಸವರಾಜ ಸಣ್ಣಪ್ಪನವರ, ರವಿ ಲಮಾಣಿ, ರಿಯಾಜ್​ ದೊಡ್ಡಮನಿ, ಹರೀಶ ಹಲಗೇರಿ, ದೇವೆಂದ್ರಪ್ಪ ದೊಡ್ಡಮನಿ, ಎಂ.ಜಿ. ಮಲ್ಲನಗೌಡ್ರು, ಕುಮಾರ ಬಳ್ಳಾರಿ, ಗಣೇಶ ಹಳ್ಳಳ್ಳಿ, ಬಸವರಾಜ ಕೊರವರ, ಬಸವರಾಜ ಬಾಗೋಡಿ, ಮಲ್ಲಿಕಾರ್ಜುನ ನಾಗವಂದ, ರಮೇಶ ಬಡಿಗೇರ, ಮಾರುತಿ ಹಾಲಭಾವಿ, ಸತೀಶ ಮರಕಟ್ಟಿ ಇತರರನ್ನು ಪೊಲೀಸ್​ ಇಲಾಖೆ ಶ್ಲಾಘಿಸಿದೆ.