ಹಾವೇರಿ

ಒಡೆದ ಸಿಡಿ ಅಪಾಯಕ್ಕೆ ಆಹ್ವಾನ

ಹಿರೇಕೆರೂರ ಪಟ್ಟಣದ 1ನೇ ವಾರ್ಡ್‌ನ ರಾಘವೇಂದ್ರ ಕಾಲನಿಯ 2ನೇ ಕ್ರಾಸ್ ರಸ್ತೆಯ ತಿರುವಿನಲ್ಲಿ ಸಿಡಿಯ ಒಂದು ಭಾಗ ಕುಸಿದು ಬಿದ್ದಿರುವುದು.
ಹಿರೇಕೆರೂರ ಪಟ್ಟಣದ 1ನೇ ವಾರ್ಡ್‌ನ ರಾಘವೇಂದ್ರ ಕಾಲನಿಯ 2ನೇ ಕ್ರಾಸ್ ರಸ್ತೆಯ ತಿರುವಿನಲ್ಲಿ ಸಿಡಿಯ ಒಂದು ಭಾಗ ಕುಸಿದು ಬಿದ್ದಿರುವುದು.
ಮಂಜುನಾಥ ಗದಗಿನ
Published on: 
ವಿಜಯವಾಣಿ ವಿಶೇಷ ಹಿರೇಕೆರೂರ
ಪಟ್ಟಣದ 1ನೇ ವಾರ್ಡ್‌ನ ರಾಘವೇಂದ್ರ ಕಾಲನಿಯ 2ನೇ ಕ್ರಾಸ್ ರಸ್ತೆಯ ತಿರುವಿನಲ್ಲಿ ಸಿಡಿಯ ಒಂದು ಭಾಗ ಕುಸಿದು ಎರಡು ತಿಂಗಳು ಕಳೆದರೂ ದುರಸ್ತಿ ಮಾಡದೆ ಇರುವ ಕಾರಣ ಅಪಾಯಕ್ಕೆ ಆಹ್ವಾನ ನೀಡುತ್ತಿದೆ.
ಈ ಕಾಲನಿಯಲ್ಲಿ ಸಾವಿರಾರು ಜನ ವಾಸಿಸುತ್ತಿದ್ದಾರೆ. ನಿತ್ಯ ವಿದ್ಯಾರ್ಥಿಗಳು, ಸಾರ್ವಜನಿಕರು ತಮ್ಮ ದೈನಂದಿನ ಕೆಲಸ ಕಾರ್ಯಗಳಿಗೆ ಓಡಾಡಲು ಈ ರಸ್ತೆಯನ್ನೇ ಹೆಚ್ಚು ಅವಲಂಬಿಸಿದ್ದಾರೆ. ಸಿಡಿಯ ಗುಂಡಿ ಸಮರ್ಪಕವಾಗಿ ಗೋಚರಿಸದೇ ಇರುವುದರಿಂದ ನಾಲ್ಕು ಚಕ್ರ ಸೇರಿದಂತೆ ಲಘು ವಾಹನಗಳ ಚಕ್ರಗಳು ಇಲ್ಲಿ ಸಿಲುಕಿಕೊಳ್ಳುತ್ತಿವೆ. ಈಗಾಗಲೇ ಅನೇಕ ಬೈಕ್ ಸವಾರರು ಬಿದ್ದು ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ. ಈ ಕುರಿತು ಸಂಬಂಧಿಸಿದ ಅಧಿಕಾರಿಗಳಿಗೆ ಹಲವರು ಮೌಖಿಕವಾಗಿ ಹೇಳಿದ್ದರೂ ಯಾವುದೇ ಪ್ರಯೋಜನವಾಗಿಲ್ಲ. ಮುಂದಾಗುವ ಅಪಾಯವನ್ನು ತಪ್ಪಿಸಲು ಪಪಂ ಇಲಾಖೆಯ ಅಧಿಕಾರಿಗಳು ಕೇವಲ ಅನುದಾನದ ನೆಪ ಹೇಳದೆ ಇದನ್ನು ಸರಿಪಡಿಸಬೇಕು. ಇಲ್ಲದೇ ಹೋದಲ್ಲಿ ಪಪಂ ಎದುರು ಪ್ರತಿಭಟನೆ ಹಮ್ಮಿಕೊಳ್ಳಲಾಗುವುದು ಎಂದು ಕಾಲನಿ ಜನತೆ ಎಚ್ಚರಿಸಿದ್ದಾರೆ.
"

ಸಿಡಿಯ ಒಂದು ಭಾಗ ಕುಸಿದು ಹಾಳಾಗಿದ್ದು, ಅಪಾಯ ತಂದೊಡ್ಡುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಈ ಬಗ್ಗೆ ಪಪಂ ಮುಖ್ಯಾಧಿಕಾರಿಗಳನ್ನು ಕೇಳಿದರೆ, ಇದನ್ನು ಸರಿಪಡಿಸಲು ಕನಿಷ್ಠ 80 ಸಾವಿರ ರೂ. ಅನುದಾನ ಬೇಕು. ಅನುದಾನ ಬಂದ ಕೂಡಲೇ ಸಿಡಿ ನಿರ್ಮಿಸಲಾಗುವುದು ಎನ್ನುತ್ತಾರೆ. ಅಧಿಕಾರಿಗಳು ಅನುದಾನದ ಕುಂಟು ನೆಪ ಹೇಳದೆ ಹೊಸದಾಗಿ ಸಿಡಿ ನಿರ್ಮಿಸಬೇಕು. ಇಲ್ಲದೆ ಹೋದಲ್ಲಿ ಪಪಂ ಎದುರು ಪ್ರತಿಭಟನೆ ಹಮ್ಮಿಕೊಳ್ಳಲಾಗುವುದು.

ಒಡೆದು ಹಾಳಾದ ಸಿಡಿಯನ್ನು ಇಂಜನಿಯರ್ ಪರೀಶೀಲನೆ ನಡೆಸಿದ್ದಾರೆ. ಸಿಡಿಯ ಒಂದು ಭಾಗವನ್ನು ರಿಪೇರಿ ಮಾಡಲು ಬರುವುದಿಲ್ಲ. ಬದಲಿಗೆ ಹೊಸದಾಗಿ ಸಿಡಿ ನಿರ್ಮಿಸಬೇಕು. ಇದಕ್ಕೆ ಕನಿಷ್ಠ 80 ಸಾವಿರ ರೂ. ಅನುದಾನ ಬೇಕು ಅಂದಿದ್ದಾರೆ. ಇಲಾಖೆಯಲ್ಲಿ ಅನುದಾನದ ಕೊರತೆಯಿದೆ. ಅನುದಾನ ಬಂದ ಕೂಡಲೇ ಸಿಡಿ ನಿರ್ಮಿಸಲಾಗುವುದು.

no repairs
injured after falling
hirekerur 1st ward
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net