ಪ್ರಕರಣದ ಕುರಿತು ಮೃತನ ಸಂಬಂಧಿಕರು ದೂರು ನೀಡಿದ್ದು, ಪ್ರಸನ ಎಂಬುವನು ಸತೀಶ ಬಳಿ 1 ಎಕರೆಗೆ 1 ಕೋಟಿ ರೂ.ನಂತೆ ಜಮೀನು ಖರೀದಿಸಿದ್ದಾನೆ. ಅದರಲ್ಲಿ 56 ಲಕ್ಷ ರೂ. ಮಾತ್ರ ಕೊಟ್ಟಿದ್ದು, ಬಾಕಿಯಿರುವ ಹಣ ನೀಡಿರಲಿಲ್ಲ. ಇದೇ ರೀತಿ ಹಂತ ಹಂತವಾಗಿ ಮತ್ತೇ 1.34 ಎಕರೆ ಜಮೀನನ್ನು ಬರೆಯಿಸಿಕೊಂಡು ಮೋಸ ಮಾಡಿದ್ದಾನೆ. ಕಾಂತೇಶ ಎಂಬುವನು 6 ಲಕ್ಷ ರೂ. ಬಡ್ಡಿ ಸಾಲ ನೀಡಿ ತಿಂಗಳಿಗೆ 80 ಸಾವಿರ ರೂ. ವಸೂಲಿ ಮಾಡಿದ್ದಾನೆ. ಒಂದು ದಿನ ತಡವಾಗಿ ಬಡ್ಡಿ ಹಣ ನೀಡಲು ಹೋದಾಗ 1 ಲಕ್ಷ ರೂ. ವಸೂಲಿ ಮಾಡಿ ಅವಾಚ್ಯ ಶಬ್ದದಿಂದ ಬೈದಿದ್ದಾನೆ. ಇದರಿಂದ ಬೇಸತ್ತ ಸತೀಶ ಮನೆಯ ದನದ ಕೊಟ್ಟಿಗೆಯಲ್ಲಿ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
