ಅಡುಗೆ ಅನಿಲದ ಬಿಕ್ಕಟ್ಟಿಗೆ ಸೌರ ಉಷ್ಣಶಕ್ತಿ ಪರಿಹಾರ; ಹಾವೇರಿ ವಿವಿ ಕುಲಪತಿ ಡಾ.ಸುರೇಶ ಜಂಗಮಶೆಟ್ಟಿ

ಸುಮಾರು ಮೂರು ಸಾವಿರ ಗಂಟೆಗಳ ಕಾಲ ಸುರಿಯುವ ಸೂರ್ಯನ ಬೆಳಕು ಮಾತ್ರ ಇಂಧನ ಸ್ವಾತಂತ್ರ್ಯ ನೀಡಬಲ್ಲದು. ಗ್ರಾಮೀಣ ಭಾರತಕ್ಕೆ ಸೌರಉಷ್ಣ ಸಾಧನಗಳು ಕೇವಲ ಪರ್ಯಾಯತ ಮಾತ್ರವಲ್ಲ, ಆರ್ಥಿಕ ಅನಿವಾರ್ಯತೆಯೂ ಆಗಿದೆ. ಇಂತಹ ಕ್ಲಿಷ್ಟಕರ ಸಂದರ್ಭದಲ್ಲಿ ಸೌರ ಒಲೆಗಳು ಸಾಧನಗಳಾಗಿವೆ. ಪರಿಸರ ಸ್ನೇಹಿ ಮತ್ತು ಆರ್ಥಿಕ ಲಾಭದಾಯಕವಾಗಿದ್ದು, ಸೂರ್ಯ ಶಾಖವನ್ನು ಬಳಸಿಕೊಳ್ಳುವ ಕಲೆ ನಾವೆಲ್ಲ ಬೆಳಸಿಕೊಳ್ಳಬೇಕು. ಪಳೆಯುಳಿಕೆ ಇಂಧನಗಳ ಮೂಲವಾಗಿ ಬಳಸಿಕೊಳ್ಳಬೇಕು. ಇಂಗಾಲದ ಹೊರಸೂಸುವಿಕೆಯನ್ನೂ ಕಡಿಮೆ ಮಾಡಬಹುದು. ಅನೇಕ ಶಾಲೆಗಳಲ್ಲಿ ಬಿಸಿಯೂಟ ಮತ್ತು ಮಠ, ಮಂದಿರಗಳ ಸಮುದಾಯ ಅಡುಗೆ ಮಂದಿರಗಳಲ್ಲಿ ಈ ಸೌರ ಉಷ್ಣ ವ್ಯವಸ್ಥೆ ಯಶಸ್ವಿಯಾಗಿದೆ.

ಇದಕ್ಕಾಗಿ ಬಾಕ್ಸ್ ಮಾದರಿಯ ಸೌರ ಒಲೆ ಅತ್ಯಂತ ಸರಳ ಮತ್ತು ನಂಬಿಗಸ್ಥ ಸಾಧನ. ಇದು ಅಕ್ಕಿ, ಬೇಳೆ ಮತ್ತು ತರಕಾರಿಗಳನ್ನು ನಿಧಾನವಾಗಿ ಬೇಯಿಸಲು ಸೂಕ್ತವಾಗಿದೆ. ಈ ವಿಧಾನದಲ್ಲಿ ಆಹಾರದ ಪೌಷ್ಠಿಕಾಂಶಗಳು ಶೇ.100ರಷ್ಟು ಸಂರಕ್ಷಿಸಲ್ಪಡುತ್ತವೆ. ಪ್ಯಾರಾ ಬೋಲಿಕ್ ಡಿಶ್‌ಕುಕ್ಕರ್, ಮನೆಯೊಳಗಿನ ಸೌರ ಅಡುಗೆ ವ್ಯವಸ್ಥೆ ಬಳಸಿಕೊಳ್ಳಬಹುದಾಗಿದೆ ಎಂದು ಜಂಗಮಶೆಟ್ಟಿ ಸಲಹೆ ನೀಡಿದರು.