ಮಠಾದೀಶರು ಭಕ್ತರ ಅಂಕುಡೊಂಕು ತಿದ್ದಬೇಕು; ಶಾಂತವೀರ ಶ್ರೀಗಳ ಬದುಕು ನಮಗೆ ಮುನ್ನುಡಿ; ಸಿಂಧಗಿ ಮಠದ ಪುಣ್ಯಸ್ಮರಣೋತ್ಸವದಲ್ಲಿ ಬೈರನಹಟ್ಟಿ ಶ್ರೀ ಹೇಳಿಕೆ

ನಗರದ ಸಿಂದಗಿ ಮಠದ ಲಿಂಗೈಕ್ಯ ಶಾಂತವೀರ ಪಟ್ಟಾಧ್ಯಕ್ಷರ 46ನೇ ಪುಣ್ಯ ಸ್ಮರಣೋತ್ಸವದ ನಿಮಿತ್ತ ಸೋಮವಾರ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.

ಲಿಂ.ಸಿಂದಗಿ ಶಾಂತವಿರ ಪಟ್ಟಾಧ್ಯಕ್ಷರು, ಶಾಂತವಿರ ಶ್ರೀಗಳು ಸಮಾಜೋದ್ಧಾರಕ ಕಾರ್ಯಗಳ ಮೂಲಕ ಜನರ ಮನದಲ್ಲಿ ಶಾಶ್ವತವಾಗಿ ನೆಲೆಯೂರಿದ್ದಾರೆ. ಆದರ್ಶ ವ್ಯಕ್ತಿಗಳಾಗಿದ್ದಾರೆ. ನೈತಿಕ ನಡೆ ನುಡಿಗಳಿಂದ ಜ್ವಲಂತ ಜ್ಯೊತಿಗಳಾಗಿದ್ದಾರೆ. ಅವರ ನಡೆ, ನುಡಿ ನಮ್ಮ ಜೀವನದ ಮುನ್ನುಡಿ ಮತ್ತು ಬಾಳಿನ ಕನ್ನಡಿಯಾಗಬೇಕು. ಶಾಂತವಿರಶ್ರೀಗಳ ಸಾಮಾಜಿಕ ಕಳಕಳಿ ಅನನ್ಯ. ಅವರ ಆದರ್ಶದ ಜೀವನ ನಮಗೆ ದಾರಿದೀಪ ಎಂದು ಹೇಳಿದರು.

12ನೇ ಶತಮಾನದ ಬಸವಾದಿ ಶಿವಶರಣರು ಅನುಭಾವದ ಜೀವನಕ್ಕೆ ನೀತಿಸಂಹಿತೆ ಹಾಕಿಕೊಟ್ಟಿದ್ದರು. ಪ್ರತಿಯೊಬ್ಬರೂ ಷಟಸ್ಥಳದ ಮಾರ್ಗಗಳಾದ ಭಕ್ತ, ಮಹೇಶ, ಪ್ರಸಾದಿ, ಪ್ರಾಣಲಿಂಗ, ಶರಣನಾಗಿ ಐಕ್ಯನಾಗುತ್ತಾನೆ. ಇಂಥ ಕ್ರಮ ಸಮುಚ್ಛಯವನ್ನು ಎಲ್ಲರೂ ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡಾಗ ನರನು ಹರನಾಗುತ್ತಾನೆ ಎಂದರು.

ಹೋತನಹಳ್ಳಿ ಸಿಂದಗಿ ಮಠದ ಶಂಭುಲಿಂಗ ಪಟ್ಟಾಧ್ಯಕ್ಷರು ಸಾನ್ನಿಧ್ಯ ವಹಿಸಿದ್ದರು. ಪ್ರವಚನಕಾರ ಮುಧೋಳದ ಸಿದ್ದಾರೂಢ ಶಿವಯೋಗಾಶ್ರಮದ ಸಿದ್ದರಾಮ ಸ್ವಾಮೀಜಿ ಪ್ರವಚನ ನೀಡಿದರು.

ದಾವಣಗೆರೆ ವೀರೇಶ್ವರ ಪುಣ್ಯಾಶ್ರಮದ ಆನಂದ ಪಾಟೀಲ ತಂಡದಿಂದ ವಿಶೇಷ ಸಂಗೀತ ಸೇವೆ ಜರುಗಿತು. ಬಾಲ ನೃತ್ಯ ಕಲಾವಿದೆ ಅದ್ವಿತಿ ವಿಶಾಲ ಕೊಪ್ಪಳ ಭರತನಾಟ್ಯ ಗಮನ ಸೆಳೆಯಿತು.

ಸಿಂಧಗಿ ಮಠದ ಸಂಚಾಲಕ ಶಿವಬಸಯ್ಯ ಆರಾಧ್ಯಮಠ, ಚನ್ನಬಸಯ್ಯ ಹಿರೇಮಠ, ಮಹಾಂತೇಶ ಹಿರೇಮಠ, ರಾಮಾಪುರ ಶಾಸ್ತ್ರಿಗಳು, ವೀರಣ್ಣ ಮಹಾರಾಜಪೇಟೆ, ಮತ್ತಿತರರು ಉಪಸ್ಥಿತರಿದ್ದರು.

ಜಿ.ಎಸ್.ಭಟ್ ಹಾಗೂ ಜಗದೀಶ ಶಾಸ್ತ್ರಿ ಹಾವಣಗಿ ನಿರೂಪಿಸಿದರು. ಶಿವಯೋಗಿ ಹಿರೇಮಠ ವಂದಿಸಿದರು.

ಬಾಕ್ಸ್

ಸಾಧಕರಿಗೆ ಸನ್ಮಾನ

ಸಮಾಜಸೇವೆ ಪರಿಗಣಿಸಿ ಹಾವೇರಿಯ ಪುಂಡಲಿಕಪ್ಪ ಶಿರೂರ, ಉದ್ಯಮಿ ರಾಜಶೇಖರ ಮಾಗನೂರ, ಡಾ.ಸಿದ್ದೇಶ್ವರ ಬಾಲೆಹೊಸೂರ, ಡಾ.ಮೃತ್ಯುಂಜಯ ತುರಕಾಣಿ, ಸಿದ್ದಪ್ಪ ಕಡೇಮನಿ, ಲಕ್ಷ್ಮೇಶ್ವರದ ಅಕ್ಕಮ್ಮ ಹಿರೇಮಠ, ಸಿಂದಗಿಯ ಸೋಮನಗೌಡ್ರ ಬಿರಾದಾರ, ವೀರಣ್ಣ ಹಾವಣಗಿ, ಮಹೇಶ ಮೆಡಿಕಲ್ಸ್‌ನ ಗೋಪಾಲ, ಕರೀಂಸಾಬ ನದಾಫ್, ಶಾಂತಪ್ಪ ಮೂಲಶೆಟ್ಟರ್ ಹಾಗೂ ದಾನಪ್ಪಗೌಡ ತೋಟದ ಅವರನ್ನು ಶ್ರೀಮಠದಿಂದ ಸನ್ಮಾನಿಸಲಾಯಿತು.