10.70 ಕೆಜಿ ಗಾಂಜಾ ಹಾವೇರಿ ಪೊಲೀಸರ ವಶಕ್ಕೆ; ಸಿವಿಲ್ ಇಂಜಿನಿಯರ್ ಸೇರಿ ಇಬ್ಬರ ಬಂಧನ

ಇಲ್ಲಿನ ನಾಗೇಂದ್ರನಮಟ್ಟಿ ನಿವಾಸಿಗಳಾದ ದಿಳ್ಳೆಪ್ಪ ಮಲ್ಲಪ್ಪ ಅಳಲಗೇರಿ (28) ಹಾಗೂ ರಾಜಾಸಾಬ ಬಾಬುಸಾಬ ನದಾಫ (27) ಬಂಧಿತ ಆರೋಪಿಗಳು.

ಸಿವಿಲ್ ಇಂಜಿನಿಯರ್ ಆಗಿರುವ ರಾಜಾಸಾಬ ನದಾಫ ಮತ್ತು ದಿಳ್ಳೆಪ್ಪ ಅಳಲಗೇರಿ ಇಬ್ಬರೂ ಓಡಿಶಾ ರಾಜ್ಯದಿಂದ ಗಾಂಜಾ ಖರೀದಿಸಿ ಬೆಂಗಳೂರು ಮಾರ್ಗವಾಗಿ ರೈಲಿನ ಮೂಲಕ ಹಾವೇರಿಗೆ ಗಾಂಜಾ ತಂದಿದ್ದರು. ಗಾಂಜಾ ವಾಸನೆ ಬಾರದಂತೆ ತಡೆಯಲು ಗಾಂಜಾ ತುಂಬಿದ್ದ ಬ್ಯಾಗ್‌ಗೆ ಗಟ್ಟಿಯಾಗಿ ಟಿಸ್ಕೋ ಟೇಪ್ ಅಂಟಿಸಿದ್ದರು. ರೈಲು ನಿಲ್ದಾಣದಿಂದ ನಾಗೇಂದ್ರನಮಟ್ಟಿಗೆ ತೆಗೆದುಕೊಂಡು ಹೋಗಿ ದೇವಸ್ಥಾನ ಒಂದರ ಬಳಿ ಮಾರಾಟಕ್ಕೆ ಮುಂದಾಗಿದ್ದರು.