ಶಾಸಕ ಅಬ್ಬಯ್ಯಗೆ ಸಂಪುಟ ಸ್ಥಾನ ಕೊಡಿ; ರಾಜ್ಯ ಸರ್ಕಾರಕ್ಕೆ ಕಮಲರತ್ನ ಬಂತೇಜಿ ಆಗ್ರಹ

ಇಲ್ಲಿಯ ರಾಜೇಂದ್ರ ನಗರದ ಅಶೋಕ ಮೌರ್ಯ ಸಭಾಂಗಣದಲ್ಲಿ ಸೋಮವಾರ ಆಯೋಜಿಸಿದ್ದ ಸಭೆಯಲ್ಲಿ ಮಾತನಾಡಿದ ಅವರು, ಶಾಸಕ ಪ್ರಸಾದ ಅಬ್ಬಯ್ಯ ಸತತ ಮೂರು ಬಾರಿ ಆಯ್ಕೆಯಾಗಿದ್ದಾರೆ. ಬಿಜೆಪಿ ಭದ್ರಕೋಟೆ ಧಾರವಾಡ ಜಿಲ್ಲೆಯಲ್ಲಿ ಶಾಸಕರಾಗಿ ಆಯ್ಕೆಯಾಗಿದ್ದಾರೆ.

ಕಳೆದ ಲೋಕಸಭೆ ಚುನಾವಣೆಯಲ್ಲಿ ಮುಂಬೈ ಕರ್ನಾಟಕದಲ್ಲಿ ಕಾಂಗ್ರೆಸ್ ಪಕ್ಷಕ್ಕೆ ದುಡಿಯುವ ಮೂಲಕ ಶೇಕಡಾವಾರು ಮತದಾನ ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. ಹಾಗಾಗಿ, ಸರ್ವಜನಾಂಗದ ಹಿತ ಕಾಯುವ ಶಾಸಕ ಪ್ರಸಾದ ಅಬ್ಬಯ್ಯರಿಗೆ ಮಂತ್ರಿ ಸ್ಥಾನ ನೀಡಬೇಕು ಎಂದು ಕಾಂಗ್ರೆಸ್‌ನ ಹೈಕಮಾಂಡ್‌ಗೆ ಒತ್ತಾಯಿಸಿದರು.

ಸಭೆಯಲ್ಲಿ ಚನ್ನಮ್ಮ ಕೆ.ವಿ., ನಿರ್ಮಲಾ ಅಂಟಗಣಿ, ಶಾಂತಾ ಹೊಸೂರು, ಉಳುವೆಪ್ಪ ಕಲಾದಗಿ, ಗುಡ್ಡಪ್ಪ ಹೊಸೂರು, ಶಿವಲೀಲಾ ಹೊಸೂರು, ಕರಿಯಪ್ಪ , ಕಾಂತೇಶ ಹೊಳೆಯಪ್ಪನವರ, ದುರ್ಗವ್ವ ಪೂಜಾರ, ಇತರರಿದ್ದರು.